ایجتیماعی موصلیحلر و پیغمبرلرین
اصلی دغدغه‌لریندن بیری خورافاتین جامیعه‌ده یاییلماسی اولوب. آللاه تعالا خورافات
باره‌سینده چوخلی آیه‌لرده صؤحبت ائدیب.
خورافاتین قاباغین آلما
یوللاری
جامیعه‌نی درمان ائتمگین بیر یولو
خورافاتینان موباریزه ائله‌ماق و جماعتی شیّادلار عوضینه عالیملر و فیکیر رهبرلری
طرفینه سوق وئرماقدیر. بو زمینه‌ده اهل بیتدن(ع) چوخلی ریوایتلر نقل اولوب کی
موضوعنون اهمیّتی و بیدعتلرله موباریزه ائتمک باره‌سینده‌دیر. چونکی جماعتین
ساوادین چوخاتماق خورافاتین قاباغین آلار.
گؤره‌سن قورآن خورافاتینان موباریزه
اوچون یول تانیتدیریب؟ قورآنین منطیقلی عقیده‌لرین مطرح ائله‌مه‌سینده و یونگون
عقیده‌لرینن موباریزه ائله‌ماقداکی خصوصیتی نئجه‌دیر؟ قورآن نئچه یولونان یونگول
عقیده‌لرینن موباریزه ائله‌ماغا باش قوشوب: عقیده‌لرده دوشونماق و فیکیری اساس
توتماق, دوشونجه‌نین آزادلیغی, موختلیف منبعلردن ایستیفاده ائله‌ماغا و علمه اهمیت
وئرمه‌سی.
قورآنین خورافاتلا موباریزه‌سیندن
نمونه‌لر
خورافاتلا موباریزه‌نین اصلی محوری,
باطیل و مونحریف عقیده‌لر و غیر عقلانی ایشلرله موباریزه ائله‌ماقدیر. بو مساییلین
بعضیسی قورآن نازیل اولان عصرده‌ده مطرحیدی, آما بویونده خورافاتینان موباریزه‌یه
دیقت یئتیرمه‌لیدیر.
- سِحر, جادو و جین توتماق
کیمی ایشلر کی خانیواده موحیطین بیر-بیرینه قاریشدیریر و قورآن اونونلا موباریزه
ائلیر. (بقره سوره‌سی‌نین 102-جی آیه‌سی و سبأ سوره‌سی‌نین41-جی
آیه‌سی)
- توحید حدودوندان اوزاقلاشماق
و موقدساتی پرستیش ائله‌ماغی رد ائله‌ماق (آل عمران سوره‌سی‌نین 79-جو
آیه‌سی)
- ملکلر, پیغمبرلر و بؤیوک
عالیملری آللاه یئرینه ارباب حسابلاماغی رد ائتمک (آل عمران سوره‌سی‌نین 80-جی
آیه‌سی)
- حضرت عیسی (ع) مقامی و
جایگاهی باره‌ده موبالیغه ائتمگی نفی ائتمک و تثلیثی ردّ ائله‌ماق. (نساء
سوره‌سی‌نین 171-جی آیه‌سی)
- عیبادت تکجه آللاه اوچوندور,
غرور و کیبر رد اولونور. (نساء سوره‌سی‌نین 172-جی آیه‌سی)
- عیسی(ع)-ین آللاهلیغین نفی
ائتمک و آللاها شریک توتمانین نفیی. (مائده سوره‌سی‌نین 72 و 73-جو
آیه‌سی)
- بوت پرستلیغینان موباریزه کی
خورافه‌پرستلیغین بیر نمونه‌سیدیر. (اعراف سوره‌سی‌نین 183-جو آیه‌سی)
- ایسلام پیغمبری(ص) زمانی بیر
عیده یهودیلر طرفیندن «عُزَیر»ی آللاه حسابلاماقلا موباریزه. (توبه سوره‌سی‌نین
30-جو آیه‌سی)
- اینسانلاری آللاه حسابلاییب
پرستیش ائله‌ماغی نفی ائتمک. (مریم سوره‌سی‌نین 83-جو آیه‌سی)
- آللاهین اوشاغی اولماسینا داییر عقیده‌اینن موباریزه
(مریم سوره‌سی‌نین 88 و 89-جو آیه‌لری)
- توحید خیلافینا اولان عقیده‌لرله موباریزه. ( اسراء
سوره‌سی‌نین 40-جی آیه‌سی)
بو آیه‌لر قورآنین کئچمیشده‌کی
خورافاتلارینان موباریزه‌سی‌نین بیر نئچه نمونه‌سیدیر کی بؤیوک پیغمبرلر عمل
ائدیبلر و اونلارا ایشاره ائله‌ماغینان بیزه معیار گؤرسه‌دیرلر.