آمریکا فیلسوفلار انجومنی مودیری
بونا ایشاره ائله‌ماغینان کی یوناندان سونرا فلسفه مرکزی غرب دئییلدی, دئدی: بو
ایسلام دونیاسی و ایسلامی فیلسوفلاریدی کی فلسفی رأیلرین مرکزی
ساییلیردیلار.
دکتر اریک توماس وبر, آمریکا
فیلسوفلار انجومنی مودیری و می‌سی‌سی‌پی دانیشگاهی‌نین عمومی سیاست و فلسفه
اوستادی, غرب فلسفه‌سی‌نین ایسلامی فلسفه‌دن آلدیغی تأثیره ایشاره ائدیب مهر
خبرنیگارینا دئدی: موتقابیل تأثیرلنمه اندیشه حوزه‌سینده و فلسفه‌ده نورمال
مسأله‌دیر.
او دئدی: کئچمیشده غرب فلسفه‌سی
ایسلامی فلسفه‌دن چوخلی تأثیر گؤتوروب. حقیقتده کئچمیشده و یوناندان سونرا فلسفه
مرکزی داها غرب اولماییب. و بو ایسلام دونیاسی و ایسلامی فیلسوفلاریدی کی فلسفی
رأیلرین مرکزی ساییلیردیلار.
وبر ایدامه وئردی: فلسفه تاریخینی
دیقتلی تحقیق ائله‌ساق گؤره‌جاغیق کی غرب, تازا دؤره‌ده فلسفه مرکزینه
چئوریلیب.
او دئدی: ایسلامی فیلسوفلار اورتا
عصرلرده عین حالداکی بعضی یونانلی فیلسوفلارین او جومله‌دن افلاطون و ارسطونون
تأثیری آلتیندا ایدیلر, اؤزلری‌نین تأثیرلری غرب فلسفه‌سینه چوخ اولوب.
او آرتیردی: غرب, فلسفه‌یه
قاییتماسیندا اسلامی فیلسوفلارین اثرلری و رأیلریندن چوخلی فایدا
آپاریب.
وبر ایدامه وئردی: بعضی بیکر فلسفی
نظرلر بیر نفرین آدینا ثبت اولوب حال بوکی آیری آدام اونو مطرح
ائله‌ییب.
آمریکا فیلسوفلار انجومنی مودیری
آخیرده دئدی: نمونه اوچون دکارتی ذهن و عین ایکیلیغین بیناسین قویان تانی‌ییرلار و
حال بوکی دکارتدان قاباق ابن‌سینا ذهن و عین ایکیلیغین مطرح ائله‌ییب.