آد: علی بن الحسین علیهما السلام, «علی اکبر» آدینا مشهور
آناسی‌نین آدی: لیلی بنت ابی مرة
ویلادت: 43 هیجری قمری
شعبانین اون‌بیری
ویلادت یئری:
مدینه
شریف عؤمرو: مشهور قوولا
گؤره 25 ایل
شهادت تاریخی: کربلا
چؤلونده 61 هیجری قمری ایلین محرمین اونو, عاشورا گونو
دفن یئری: کربلا, آتاسی‌نین
قبری‌نین آیاغیندا
حضرت علي اكبر (ع), ابي
عبدالله الحسينین(ع) اوغلو بیر ریوایته گؤره 43-جو هیجری قمری ایلی‌نین شعبان
آیی‌نین اون‌بیرینده مدینه شهرینده دونیایا گؤز آچدی.
کرامتلی آتاسی ایمام حسين
بن علي بن ابي طالب (ع) و مؤحترم آناسی ليلي بنت ابي مرّه بن عروه بن مسعود
ثقفي‌ایدی.
او شریف و خوش‌نام طایفا,
بنی هاشم طایفاسیندان ایدی. و ایسلام پیغمبری (ص), حضرت فاطمه زهرا(س)، امير مؤمنان
علي بن ابي طالب(ع) و ایمام حسینه(ع) نیسبتی واریدی.
ابوالفرج اصفهاني مغیره‌دن نقل ائلیر
کی بیر گون معاويه بن ابي سفيان دؤره‌برلرینده‌کیندن سوروشدو: سیزجه اومّتین
ایچینده کیم هامیدان چوخ خیلافته لیاقتی وار؟ دؤره‌ده‌کیلر دئدیلر: سندن سونرا
خیلافت امرینه هئچ کسی لاییق تانیمیریق ! معاویه دئدی: بئله دئییل. بلکه خیلافته
لاپ لاییق آدام علي بن الحسيندیر(ع) کی جدّی رسول اللها بنزیر و اوندا بنی هاشمین
شوجاعتی, بنی امیه‌نین سخاوتی و ثقیفین فخامتی جیلوه‌لنیب.
نقل اولوب کی بیر گون علي
اكبر(ع) مدینه والیسی یانینا گئدیر و کرامتلی آتاسی طرفیندن اونا پیام آپاریر.
آخیرده مدینه والیسی علی اکبردن سوروشور: سنین آدین نه‌دیر؟
بویوردو: علی. سوروشدو: قارداشینین آدی؟
بویوردو: علی. او شخص حیرصلندی و نئچه دفعه دئدی: علی, علی, علی« ما يُريدُ اَبُوك؟ ». آتان نه ایستیر؟ ائله اوشاقلاری‌نین آدی‌نین
هامیسینی علی قویور. علي اكبر(ع) بو پیامی آتاسی اباعبدالله الحسينه (ع) چاتدیریر.
او حضرت بویورور: والله اگر آللاه منه اونلارجا اوغول وئره هامیسی‌نین آدین علی
قویارام و اگر اونلارجا قیز عطا ائلیه هامیسی‌نین آدین فاطمه قویارام.
حضرت علی اکبرین(ع)
شخصیتی
حضرت علی اکبرین(ع) شخصیتی
باره‌ده دئییبلر کی او گؤزل و خوش دانیشان و شوجاعتلی‌ایدی و اخلاق و سیرت و قیافه
باخیمیندان پیغمبر اکرمه بنزیردی و شوجاعت و رزمنده‌لیقدا جدی علي ابن ابي طالب (ع)
اوخشوردو و بوتون گؤزللیکلرین و کماللارین جامعی‌ایدی.
علي اكبر(ع) عاشورا
ماجراسیندا فعال حضوری واریدی و بوتون لحظه‌لرده آتاسی‌نین کناریندا ایدی و
دوشمنلرله شیدّتلی ساواشدی. شيخ جعفر شوشتري خصائصده یازیر کی: اباعبد الله الحسين
عليه السلام کروانی‌ایله بیرلیکده کربلایا گئدنده او حضرته «نوميه» آدیندا بیر حالت
اوز وئردی کی او حضرته بیر موکاشیفه اوز وئردی. او حالتدن خاریج اولاندا بویوردو:
«انا لله و انا اليه راجعون » علي اكبر(ع) کی آتانین کناریندایدی و بیلیردی کی
ایمام فایداسیز سؤز دانیشماز, سوروشدو: آتاجان نیه ایستیرجاع ائله‌دیز؟
حضرت فوراً بویوردو: ایندی
بو کروان مقتله گئدیر و اؤلوم بیزی گؤزلور. علی اکبر (ع) سوروشدو: آتا جان مگر بیز
حق دئییلیک؟ حضرت بویوردو: بلی بیز حقّیک. علی اکبر (ع) دئدی: پس اؤلومدن قورخوموز
یوخدور.
بونونلا بئله کی حضرت علي
اكبر(ع) عربین اوچ معروف طایفاسینا منسوب ایدی, آما عاشورا گونو و ساواش زمانی بنی
امیه و ثقیف قبیله‌سینه منسوب اولماسینا ایشاره ائله‌مه‌دی بلکه هاشمی اولماغی و
اهل بیته منسوب اولمانی اؤزونه ایفتیخار بیلدی و بیر رجزده بئله دئدی:
أنا عَلي بن الحسين بن عَلي
نحن بيت الله آولي يا لنبيّ
أضربكَم با لسّيف حتّي
يَنثني ضَربَ غُلامٍ هاشميّ عَلَويّ
وَ لا يَزالُ الْيَومَ
اَحْمي عَن أبي تَاللهِ لا يَحكُمُ فينا ابنُ الدّعي
او عاشورا گونو بنی هاشم
قبیله‌سیندن بیرینجی شهید ایدی و معروفه شهیدلر زیاریتینده ده گلیر:
السَّلامُ
عليكَ يا اوّل قتيل مِن نَسل خَيْر سليل
حضرت علي اكبرین (ع)
مقبره‌سی کربلادا آتاسی اباعبدالله الحسينین (ع) مزاری آیاغیندادیر و زیارت عاشورا
سلامیندان دا « وعلي علي ابن الحسين»-دن منظور, آقا علی اکبردیر (ع).
منبعلر:
مستدرك سفينه البحار (علي
نمازي)، ج 5، ص 388.
أعلام النّساء المؤمنات
(محمد حسون و امّ علی مشكور)، ص 126؛ مقاتل الطالبين (ابوالفرج اصفهانی)، ص
52.
مقاتل الطالبين، ص 52؛ منتهی الآمال
(شيخ عباس قمی)، ج 1،ص 373 و ص 464.
منتهي الامال ، ج 1، ص
منتهي الآمال، ج 1، ص