ام‌البنین هر گون عباسین (ع) اولادی‌نین الیندن یاپیشیب بقیع قبرستانینا کئدیب اؤز قوشدوغو شعرلری اوخویوب دردلی-دردلی آغلاردی. جماعت اونو دؤره‌له‌ییب آغلاشاردیلار.
حضرت ام البنینین (س) وفات تاریخی باره‌ده موثق خبرلر الده اولماسا دا او حضرتین مقامی و منزلتینه خاطر بیر گونو، رسمی تقویمده ضعیف روایتلره اساسلاناراق او حضرتین وفاتی گونو کیمی قید اولونوب.
امّ الْبَنین، فاطمه بنت حزّام، حضرت علی (ع) ایکینجی خانیمیسی، آتاسی ابوالمجْل حزّام بن خالد، بنی کلاب قبیله‌سیندن. (طبری، ۵/۱۵۳) آناسی لیلی یا ثمامه، سهیل بن عامر بن مالک‌ین قیزی ایدی. (ابن عنبه، ۳۵۶؛ غفاری،/۱۷۴)
خانیم زهرانین(س) وفاتیندان سونرا حضرت علی (ع) ام‌البنینله ائولنیب بو ائولیلیقدان 4 اوشاق صاحبی اولدولار: عباس، عبدالله، جعفر و عثمان. کی اونلارین دؤدو ده کربلا صحنه‌سینده شهادته چاتدیلار.(ابوالفرج، ۸۲ -۸۴؛ ابن عنبه، ۳۵۶؛ حسّون،/۴۹۶)
آما ام‌النینین (س) اسلام امّتینه وئردیغی درسلر:
1. ام‌النین کربلا صحنه‌سینده یوخیدی آما، اسیرلری مدینه شهرینه داخل ائله‌ینده بیر نفر ایسته‌دی اونون اوغلانلاری‌نین شهادتینی اونا خبر وئرسی، آما دئدی منه حسیندن (ع) خبر وئرین. سونرا اوغلانلاری‌نین امام حسینله (ع) بیرلیکده شهید اولدوغونو ائشیدنده دئدی: ائی کاش اوغلانلاری و دونیادا نه وار حسینه (ع) فدا اولایدی آما او دیری قالایدی. (همو، ۴۹۶-۴۹۷؛ محلاتی، ۳/۲۹۳)
2. امام باقر(ع) بویوروب: او حضرت بقیعه گئدیب ائله یانیقلی مرثیه اوخویاردی کی قلبی‌نین قساوتینه رغماً مروان‌دا آغلاردی. (مقاتل الطالبین ص۵۶ و بحارالانوار ج ۴۵ ص ۴۰)
3. ام‌البنین هر گون عباسین (ع) اولادی‌نین الیندن یاپیشیب بقیع قبرستانینا کئدیب اؤز قوشدوغو شعرلری اوخویوب دردلی-دردلی آغلاردی. جماعت اونو دؤره‌له‌ییب آغلاشاردیلار. (ابوالفرج، ۸۵/چاپ قاهره/مصر)