بو تحقيق بو قديمي عقيده‌يه كي سحرخيز اولماق پيروزلوغونان همراه اولار، بوطلان خطي چكير و دئيير بئواخت ياتانلار آيريلارينا نيسبت خلّاقيّتلي اولورلار و چوخ تئز يوخودان دورماق «كورتيزول» هورمونونون آرتيق ترشّوح تاپماسي و ايضطيرابين چوخالماسينا باعيث اولار.

بير علمي تحقيقين نتيجه لري نيشان وئرير آيرلارينا گؤره يوخاري هوش ضريبيندن فايدالانانلار، گئجه لر فيكري فعاليتي ترجيح وئريرلر و آيريلارندان بئواخت‌راق ياتارلار.

خبر مركزي واحيدي نين ماكسي سيانس سايتيندان نقل اولان گوزاريشينه گؤره ، ايللردن سونرا هله يوخوسوزلوغون اثري باره سينده چوخلو ايختيلافلار وار. بير پارا موحقيقلرين اعتيقادينا گؤره يوخوسوزلوق چاقليق، قان فيشاري نين چوخالماسي و مغزين كارايي‌سي‌نين آزالماسينا و ياشاييشا اومودون آزالماسينا سبب اولا بيلر، آما «ساتوشی کانازاوا» و اونون همكارلاري، لندنين ايقتيصاد دانيشكده سينده فرقلي هوش ضريبيندن فايدالانان آداملارين ياتماق برنامه لرين موختليف تحقيقلريني آراشديرماغينان بو نتيجه يه يئتيشيبلر كي بيزيم بابالاريميزين فقط گونوزلر جيسمي و فيكري فعاليّتلري واريدي و گئجه لر فعاليّت ائله ماغا او كسلر اوز گتيريرلركي هوشلوراقديلار و آيريلارينا گؤره يوخاري مغزي فعاليته صاحيبديلر.

بو تحقيق بو قديمي عقيده يه كي سحرخيز اولماق پيروزلوغونان همراه اولار، بوطلان خطي چكير و دئيير بئواخت ياتانلار آيريلارينا نيسبت خلّاقيّتلي اولورلار و چوخ تئز يوخودان دورماق «كورتيزول» هورمونونون آرتيق ترشّوح تاپماسي و ايضطيرابين چوخالماسينا باعيث اولار.

بو بير حالدادير كي بعضي موحقيقلرين عقيده سينه گؤره چوخ بئواخت ياتانلار آزراق قابيل اعتيماد اولوب عاطيفي و احساسي لحاظدان ثوباتلاري آز اولور و چوخراق اعتياد ، افسورده ليق و تغذيه موشكوللر معرضينده اولورلار. هر حالدا بئواخت ياتماغين منفي اثرلري نين باره سينده اولان ايختيلافلار موحقيقلر آراسيندا حل اولماييب.