والدینلرین چوخو اوشاقلارین ساغلاملیغینا نگران اولوب اونو تئز تئز چک ائله‌ییرلر. آما بیلمیرلر کی اونلاری لاپ ساغلام ائله‌ین مشورتدیر. مطالعه‌لره گؤره اوشاقلاردان مشورت آلماق اونلارین عمرونو آرتیریر.
شاید دئیه‌سیز اوشاقلار اؤزلرینی عاغیللی سانیب ایشلرینده بیزیمله مشورت ائله‌میرلر. عیبی یوخ اونلار زندگانلیغی اؤرگشماق اوچون تجربه ائله‌ماق ایسته‌ییرلر. آما سیز ایشلریزده اونلارینان مشورت ائله‌مه‌لیسیز کی مشورت فرهنگینی اؤرگشسینلر. یادیزدا اولسون اوشاقلار گؤردوقلاری عمل‌لری اؤرگشرلر توصیه اولدوقلارینی یوخ.
مشورت ائله‌ماق بیر جوانین عادتی اولسا تجربه‌لر نفرلردن اؤرگشماغینان تفکر گوجو آرتار. بیر ایشین هر طرفین اؤلچوب بیچر و داها آز آزمایش خطایا مرتکب اولار. اجتماعی ادبی رعایت ائلر و یولونو دوز انتخاب ائلر.
شاید نظریزه بئله گله کی هئچ نه بیلمه‌ین اوشاغینان نه مشورت ائله‌ییم؟ اونون هئچ تجربه‌سی و علمی یوخدور! آما بیلین کی سیزین بو عملیز اونا مشورتین ضروری و لازم اولدوغونو اؤرگدیر.
بیرینجی درجه‌ده خیردا ایشلرده اونلاردان مشورت آلین. شاید فیلملرده‌کی کیمی بیر میز اطرافینا ییغیشیب مشورت آلما مراسمی اجرا ائله‌میه‌سیز آما آد قویما تکنیکیندن استفاده ائله‌یین. اونون نظرینی مسأله باره‌ده سوروشون و جواب وئردیغیندا دئیین:« نه دقیق مشورت ! بو چوخ عالی مشورت ایدی!» شاید اونون وئردغی جواب واقعا مشورت اولمایا آما مشورت آدی‌نین تکرار اولماسی اونلارین ذهنینده یاخشی تأثیر قویار.
هئچ واخت «بو اؤز ذهنیمه گلمیشدی» جمله‌سینی ایشلتمه‌یین و وئردیغی مشورته گؤره تشکر ائله‌یین و اونا عمل ائله‌مه‌سز ده دئیین: «بو چوخ گؤزل ایده ایدی. بوندان فکریمی کامل‌لتماقدا استفاده ائلیه‌جاغام» بو جمله‌لرین ائشیتماغی اونا مهم اولماق حسی وئرر و اعتماد به نفسین آرتیرار. یاخشی اولار اونون باشادیغی زمینه‌لرده چوخ مشورت آلاسیز کی وئرماغا جوابی اولسون.
کیملرینن مشورت ائله‌ماق اولار؟
سیز اوشاقلارا کیملر مشورت ائله‌مه‌لی اولدوغونو اؤرگتمه‌لیسیز. اونا گؤره مشورتدن صحبت گئدنده کیملرین مشورته لایق اولدوغونو دیله گتیرین اونلارین مثبت فاکتورلارینی بیان ائله‌ماغینان مشورت ائله‌مه‌لی اولدوقلارینی بیان ائله‌یین. مشورت وئرن پخیل، قورخاق و تخصصی اولمایان زمینه‌لرده نظر وئرن اولمامالیدیر.