وظیفه‌شناس انسانلار چوخ چالیشارلار و ایده‌آل اولماغا طرف گئدرلر. اونلارین
ایشی تأثیرلی اولار و ایشلرینده لاپ یاخجی اولماق ایستر لر.
وقتده دقیق اولماق، اطمینانلی اولماق، زماندان فایدالی استفاده و قایدالاردان
جدّیتلی تبعیت ائله‌ماق وظیفه‌شناس انسانلارین خصوصیتلری ساییلیر. هر انسانین
مختلف شرایطه نئجه عکس‌العمل وئرمه‌سی اونون هانسی شخصیته صاحب اولماسیندان
آسیلیدیر.
روانشناسلار
انسانلار اوچون بئش شخصیت تیپی تعریفله‌ییبلر کی انسانلاری ساده وجه اینن طبقه‌لندیرماغا
کؤمک ائلیر. بو شخصیتی تیپلر «بئش بؤیوک شخصیتی خصوصیت» ده آدلانیب کی انسانلارین
فردی خصوصیتلری‌نین توصیفی اینن اونلارین رفتارینی تانیماغا کؤمک ائلیر.
لوییس
گولدبرگین ایشلتدیگی بو مئتود انسانلارین تقریباً هامیسینا شامل اولور و اونلاری
دوزگون شکلده بؤله بیلیر.
انسانلاری بئش
عمده شخصیتی تیپی وار کی اونلارین هانسی شغلی سئچماقدا و نئجه یاشاماقلاریندا مهم
نقش اویناییر. هرچند بو خصوصیتلر انسانلاردا مختفل درجه‌لرده اولور آما هانسی‌نین
داها گوجلو اولماسی انسانلارین رفتاریندا مستقیم تأثیرینی قویور.
عصبی‌لیک:
عصبی‌لیکلری
شدّتلی اولان انسانلارین عاطفی لحاظدان ثباتلاری آز اولور. اونلار کیچیک زادلارا
حددن آرتیق عکس‌العمل گؤرسدیرلر و تئز ناراحت اولورلار. اونلار استرسی کنترل ائله‌ماقدا
مشکله دوشورلر و منفی روحی حالت مقابلینده دفاعسیزدیلار. عصبی‌لیغا باغلی اولان
عاطفی ثباتین آزلیغی اونلارین روحی مشکل‌لرینده تأثیرلی عامل ساییلیر. کیچیک
زادلار اونلاری مضطرب ائلر و حرصلندیرر. تحقیقلر بئله انسانلارین افسرده‌لیق
معرضینده اولدوغونو گؤرسدیر.
بو انسانلار
هر زادین منفی طرفینی گؤرماغا میل‌لری وار و چوخ راحت منفی عاطفی حالته زویورلر.
ائشیگه میل‌لی
اولماق:
بو خصوصیت
انسانلاری اجتماعی رفتارلاریندا گؤزه‌گلیم تأثیر بوراخیر. ائشیگه‌میل‌لی اولان
انسانلار شدید حالتده اجتماعی اولورلار. اونلار اجتماعی مهارتلره صاحب اولماغا میل‌لیدیلر
و دوستیانا ترپشیرلر. اونلار جماعت اینن تعاملده اولماغی سئویرلر قونلاقلیق کیمی
اجتماعی فعالیتلرده حاضر اولماغی خوشلورلار. اونلار دقّت جلب ائله‌ین، چوخ
دانیشان، مشتاق و درین بحثلری سئون انسانلاردیلار. اونلار آیریلاری اینن دانیشاندا
جسارتلی و چوخ راحت اولورلار. تک اولان زمانلار ناراحاتلیق چکیرلر اونا گؤره همیشه
بیر جمعین ایچینده اولماغا چالیشیرلار. معلم‌لر سیاستچیلر و فروشنده‌لر کی
انسانلارینان اولماغی سئویرلر بو تیپین نمونه‌لری کیمی ساییلا بیلرلر.
موافق و
تطبیق یئین انسانلار:
بو شخصیته
صاحب اولان انسانلار ادبلی و اورک یاندیران اولورلار. اونلار اؤزگه‌یه کؤمک ائله‌ماقدان
لذت آپارارلار. اونلارین اورکلری مهربان و اطمینانلی و کؤمکچی انسانلاردیلار.
اونلار
اطرافداکیلارینان اورک بیر اولوب اونلارا احترام قویوب اونلار باره‌ده نگران
اولورلار.
وظیفه‌شناس
انسانلار:
انضباظلی
اولماق و وظیفه‌شناسلیق بو تیپده‌کی انسانلارین ایکی مهم خصوصیتی ساییلیر. اونلار
مسئولین قبول ائله‌ین یاخجی سهمانا سالان و هدفه چاتماقدا برنامه‌لی
انسانلاردیلار. اونلار یاشاییشدا موفقیته چاتماق اوچون لازم اولان ایشلرین
هامیسینی گؤررلر. اونلار ایشلری‌نین تأثیرینی قاباجادان بیلماغا میل‌لیدیلر.
اونلار ایشلرینی
ایناندیقلاری اخلاق چرچیوه‌سینده دوزگون یئرینه گتیریرلر. اونلارین دانیشیغی چوخ
احتیاطلی اولور و هئچ واخت فکرسیز عمل ائله‌مزلر.
وظیفه‌شناس
انسانلار چوخ چالیشارلار و ایده‌آل اولماغا سعی ائلرلر. اونلار عشق اینن ایش
گؤررلر و ایشلری تأثیرلی اولار و ایشلرین لاپ یاخجی اولماغا میل‌لیدلر. زماندا
دقیق، اطمینانلی و قایدالاری رعایت ائله‌ماق اونلارین خصوصیتلریدیر.
بئله
انسانلارین ائولری تمیز و سهمانلی اولار.
آچیق و
قبول ائله‌ین انسانلار:
آچیق و قبول
ائله‌ین انسانلارین تعصبی اولماز و تازا ایده‌آل‌لاری راحت قبول ائلرلر. اونلاری
گونده‌لیق روتین خوشلامازلار و همیشه تازا زادلارین دالیسیجان اولورلار. اونلار
بوروشوق تاپماجا و معمالارا جواب تاپماغی سئویرلر. عالملر و هنرمندلرده یوخاری
حدده خلاقیت و قبول ائله‌مک واردیر. آز قبول ائله‌ماق روشنفکرانه باخیشلارین قبول
ائله‌مک معناسیندادیر.