تبریز شهردای،
ملل متحد سازمانیندا حاضر اولماسی و اسلامی شهرلر اطلسی‌نین
مدیری کیمی سئچیلمه‌سینی تبریز شهری‌نین
بین المللی ساحه‌لرده اله گتیردیغی افتخارلاردان سایدی.
تبریز
شهرداریسی عمومی رابطه‌لری‌نین
وئردیغی خبره گؤره، صادق نجفی دئدی: تبریزین یئری نه اینکی شهروندلر آراسیندا بلکه
اؤلکه و دنیا سطحینده ده دقت مرکزینده‌دیر.
او اسلامی
شهرلر مجمعی‌نین قورولوشونو تشریح ائله‌ماغینان
آرتیردی: ملل متحد سازمانی‌نین قورولوشو نئچه سازمانا
شامل اولور کی «دنیانین معروف شهرلری‌نین استراتژی معاونتی» (un-habitat) اونلارین بیریدیر. «بؤیوک اسلامی شهرلری» مجمعی‌ده
بو معاونتین شاخه‌لریندن ساییلیر. بو
سازمانیندا اؤزونون نئچه شاخه‌سی
وار کی اسلامی شهرلر اطلسی‌ده اونون شاخه‌لریندن
ساییلیر کی سازمان ملل 100 سایلی شاخصلری‌نین
اساسیندا شهرلین توسعه‌سینی نظرده آلیر.
تبریز شهرداری
آرتیردی: بو مسیرده، جولایین ایکیسیندن دؤردونه قدر دنیانین بؤیوک شهرلر رهبرلری‌نین
اجلاسی قورولدو و اوردا 2015 ده مهم شهرلرین گزارشی وئریلدی.
نجفی، اؤزونون
«اسلامی شهرلر اطلسی‌نین» مدیری و «اسلامی
شهرلر» رئیسه هیأتی‌نین عضوی کیمی سئچیلمه‌سینه
اشاره ائدیب دئدی: بو ایکی ایللیق مسئولیت حقیقیدیر و اونون ابلاغی اینن تبریز
تاریخینی توضیح وئرماغا 12 دقیقه‌لیق عمومی اجلاسدا واخت
وئریلدی. بو گزارشدن چوخ یاخجی استقبال اولدو.
اؤلکه‌میزین
شهردارلار نماینده‌سی آرتیردی: هئچ شهر مطالعه‌سیز،
تحقیقسیز و بین المللی ابزارلاردان استفاده ائله‌مه‌دن
توسعه تاپماز.
نجفی سازمان
ملله اولان سفرین نئجه‌لیغی باره‌ده
دئدی: بو سفرین بوتون هزینه‌لری un-habitat عهده‌سینه
ایدی و بو سفر کشور وزارتی، خارجی ایشلر وزیر معاونی، اؤلکه‌نین
شهردارلارد و دهیارلار سازمانی‌نین رئیسی، ایرانین سازمان
مللده‌کی نماینده‌سی و تبریز شوراسی‌نین
هماهنگلیغی اینن باش وئردی.
تبریزین بوگونکی
اسلامی شورا جلسه‌سینده «دنیانین اسلامی
شهلری مجمعی»نین دفتری‌نین آچیلماسی‌نین
لایحه قالبیندا ارائه اولونان پیشنهادی تصویب اولدو.