اؤلکه‌نین توریزم، ال ایشلری و فرهنگی میراثین رئیسی، تبریز 2018-ین رسمی افتتاحی‌نین 97-نین بایرامیندا ملی و بین المللی ارشد مقاملارین حضوری اینن اولماسیندان خبر وردی.
مهرین وئردیغی خبره گؤره، علی اصغر مونسان دئدی: توریزم مسیری اؤلکه‌نین توسعه‌سی اوچون یاخشی مسیردی و بیر جامعه‌نین ترقیسی بو یولونان فراهم اولار.
او آرتیردی: بیزیم اؤلکه‌ده ده بو مسأله‌یه آزما چوخ یئتیشیلیب هرچند بو قدر تاریخی و طبیعی جاذبه‌لریمزه گؤره مناسب ایشلر گؤرولمه‌ییب.
هله چوخلاری توریزمین نفت کناریندا مملکته گلیر قازاندیرا بیله‌جاغینا اینانماییرلار.
مونسان آرتیردی: توریزیمن اؤز یئری توتماماسی‌نین اساس سببی، چوخلاری‌نین توریزمین نفت کناریندا مملکته گلیر قازاندیرا بیله‌جاغینا اینانماماسیدیر.
او حسابلامالارا گؤره دنیا اؤلکه‌لرینه توریزمدن 7 مین میلیارد دولار قازانجین گلمه‌سینی دئماغینان آرتیردی: توریزم صنعتی دنیا اقتصادیندا اوچونجو یئرده دایانیر و اجتماعی کیمی آیری ابعاددا جامعه‌لرده ثروتین عادلانه بؤلونمه‌سینه سبب اولور.
مونسان دانیشیغی‌نین آیری بؤلومونده 2018 حادثه‌سینه 40 گوندن آز قالماسینا اشاره ائله‌ماغینا تصریح ائله‌دی: بو جهانی حادثه‌یه چوخ واختی الدن وئرمیشوق. بیز بئلنچی حادثه‌یه ایکی دسته ایش گؤرمه‌لی‌یوق. اوندان قاباق و اونون باشلانیشیندا کی قاباقجادان گؤرولمه‌لی ایشلرین چوخونو گؤرمه‌میشوق و واختی الدن وئرمیشوق.
او اؤلکه و استان ظرفیتلرینی بو حادثه‌ده تانیتدیرمالی اولدوغونا اشاره ائله‌ماغینان دئدی: تبریزی توریستی بیر شهره چئویره بیلساق نه اینکی شرقی آذربایجان استانینی بلکه مملکتین ظرفیتلرینی ارائه وئره بیلروق.
او آرتیردی: بو مسأله‌نین اصلی ضعفی دنیا سطحینده تبلیغ اولونماسیدیر. و متأسفانه تبریز 2018 مسأله‌سی دنیا و مملکت سطحینده بؤیوک دالغایا چئوریله بیلمه‌ییب.
او دئدی: هرچند دولت تبریز 2018 باره‌سینده اقداملار ائله‌مه‌لیدیر آما بو ایش اولماسا دا استان دستگاه‌لاری چوخدا مرکزه گؤز تیکمه‌مه‌لیدیلر و اؤز ظرفیتلریندن استفاده ائله‌مه‌لدیرلر.
مونسان تبریز 2018 افتتاحیه مراسمی‌نین اجراسیندان خبر وئریب دئدی: 2018-جی ایلین باشلاماسی اینن افتتاحیه مراسمی اولاجاق آما قراردی اصلی مراسم رئیس جمهور و ملی و بین المللی ارشد مقاملارین حضوری اینن 97-نین نوروزوندا اولاجاق.
او قالان واختدان دوزگون استفاده ائله‌ماق اوچون تأکید ائله‌ییب دئدی: برند ائله‌ماق، اداره‌لرین تاریخی ساختمانلاردان چیخماسی و آزاد آراز منطقه‌سی‌نین ظرفیتلریندن استفاده ائله‌ماغی قالان زماندا گؤروله‌سی ایشلردن بیلدی.