شرقی آذربایجان اسلامی تبلیغات مدیر کلی پایلوت مدرسه‌لرده محصل‌لرین نیازلارینی بیلماق ضرورتینه تأکید ائله‌دی.
مهرین وئردیغی خبره گؤره، حجت‌الاسلام والمسلمین دکتر سید شهاب‌الدین حسینی، شرقی آذربایجان دینی عرصه‌سینده فرهیخته فعال خانیملار جمعیتی‌نین استان شوراسی جلسه‌سینده دئدی: بیزیم هدفیمیز استانین فرهیخته خانیملار جمعیتینی فعال ائله‌ماقدیر و اونون طبعینده اسلامی تبلیغات فعالیتلری‌نین بیر قسمتی‌ده فعال اولاجاق.
او آرتیردی: فرهیخته خانیملار جمعیتی‌نین فعالیتلرینی اسلامی تبلیغات اداره‌سی‌نین دستورالعمل‌لری اینن تطبیق وئره بیلساق، قطعاً دَیرلی برنامه‌لره شاهد اولاجاغیق.
شرقی آذربایجان اسلامی تبلیغات مدیر کلی سؤزلری‌نین بیر بخشینده دئدی: سازمانین وظیفه‌لریندن بیری دینی دیالوگونو یاراتماقدیر و بو دیالوگلارین کمی و کیفی جهتدن گسترش وئرماق ارتقایا سبب اولاجاق.
دکتر حسینی ادامه‌ده محصل‌لر آراسیندا نیاز سنجی‌یه اشاره ائله‌ماغینان آرتیردی: هئچ اولماسا پایلوت مدرسه‌لرده محصل‌لری نیازسنجی ائله‌مه‌لی‌یوق. چونکی محصل‌لرین احتیاجلاری و ومشکل‌لرینه یئتیشماغین اهمیتی وار. بیز برناتمه‌لریمیزی جماعتین سؤزو اینن قورمامالی‌یوق.
حسینی آرتیردی: نیازسنجی اوچون آموز پرورشین معاونتی اینن ارتباط قورمالی‌یوق کی لازم اولان جمع‌بندی‌یه چاتاق و کئچن ایله تای 8 مین محصل دیالوگو یاراداق.