شرقی آذربایجان اسلامی تبلیغات مدیر کلی سید شهاب الدین حسینی اجتماعی صدمه‌لرین قاباغینی آلماغا بوتون ظرفیتلریدن فرهنگی باخیشینان استفاده ائله‌ماغین ضرورتینه تأکید ائله‌دی.
مهرین تبریزدن وئردیغی خبره گؤره، حجت الاسلام سید شهاب الدین حسینی بستان آبادین فرمانداری اینن گؤروشده دئدی: ایندی شرقی آذربایجاندا 106 مستقر روحانیمیز وار آما 200 ائودن یوخاری 1360 کندین اولماسینا دقت یئتیرماغینان، مستقر روحانیلر ساییسینی آرتیرمالی‌یوق.
شرقی آذربایجان اسلامی تبلیغات مدیر کلی هابئله آرتیردی: معظم رهبرلیق مقامین اجتماعی صدمه‌لرین خطر هشداریندان سونرا، بو صدمه‌لرین قاباغینی آلماغا بوتون گوجوموزو ایشه سالمیشوق و دولت‌ده جدیت اینن بو مسأله‌یه وارد اولمالیدیر.
دکتر حسینی آرتیردی: اسلامی تبلیغات سازمانی‌نین ایشی اجتماعی صدمه‌لرین قاباغینی فرهنگی باخیشینان آلماقدیر و بونا گؤره، اسلامی تبلیغاتا باغلی بوتون مؤسسه‌لرین ظرفیتلریند استفاده ائله‌مه‌لی‌یوق.