تحقیقلرین گؤزلنیلمز نتیجه‌لرینده ائولیلیقلارین داغلیسماسی‌نین اساس سببینی حیرصلنماق یوخ بلکه تحقیر ائله‌ماق و آلچاتماق اولدوغونو گؤرسدیر.
ایرمی ایلدن بونا قاباق «جان گاتمن»، واشینگتون دانشگاهیندا سعادتلی ائولیلیغین عامل‌لرینی آختارماغا باشلادی. او، زوجلاردان عشق آزمایشگاهی آدلاندیردیغی و هر طرفینی مختلف دوربینلر اینن دولدورموش، مرکزینه چاغیریر کی اونلارین دانیشیقلارین و آرالارینداکی تعامل‌لرین تحقیق ائله‌سین.
گاتمن بو تحقیقلرین نتیجه‌سینه دایاناراق کی بعضاً گؤزله‌نیلمز نتیجه‌لر اولور، موفق زندگانلیقلار باره‌ده نئچه کتاب یازیب. بو گؤزله‌نیلمز نتیجه‌لرین بیری‌ده حیرص و غضبین زندگانلیقلارین داغیلماسیندا اساس سبب اولماماسی بلکه تحقیر و آلچاتماغین اصلی سبب اولدوغو، بیلینمه‌سیدیر.
جماعتین چوخو، کیشی و آروادین فرقلی دنیالاردان اولدوقلاری اوچون آرالاریندا اختلافین یارانماسینا اصلی علت بیلسه‌لر ده، گاتمنین تحقیقلری بونو گؤرستمیر. فرقلی دنیایا عاید اولماق اختلافدا نقشی اولا بیلر آما اختلافا سبب اولا بیلمز. گاتمنین مصاحبه ائله‌دیغی زوجلارین چوخو، ار – آرواد آراسینداکی دوستلوغونو اونلارین آراسینداکی رضایتین اساس علّتی ساییبلار.
گاتمنین مصاحبه‌لردن اله گتیردیغینا گؤره، ائولیلیقلارین یوزه دوخسانی‌نین عاقبتینی بیلماق اولار. اونون تحقیقلری، بوشانمالارین چوخونو زندگانلیغین اوّل یئددی ایلی و 16 الی 20 ایل ائولنماقدان سونرا باش وئردیغینی گؤرسدیر.