انسانلارین اؤزلرینی بَیَنمه‌مه‌سی اونلاری
اؤزگه‌یه اوخشاماغا رغبتلندیرر. تاریخلری ثباتلی اولان جامعه‌لرده مُد دالیسیجان اولما رغبتی چوخ آشاغی سویّه‌ده اولور. آما آتالارینا فخر ائده بیلمه‌ین جامعه‌لر همیشه مِد دالیسجان اولوبلار. بئله‌نچی جامعه‌لر،
اؤزلرینه یوخ بلکه بیگانه‌لره اوخشاماق ایستیرلر بونا گؤره ده مُد نه ایسه اونون دالیسیجان دوشوب اونو
کؤلگه‌دن کؤلگه‌یه تعقیب ائلیرلر. بو گونون دنیاسیندا دا ارتباطی وسیله‌لرین چوخالماسی نتیجه‌سینده مِدو تعقیب ائله‌ماق و اوندان خبردار اولماق داها ساده و راحت اولوب.
اؤزلرینی حقیر گؤرن انسانلار
منزلت و کرامت عطشی اولومُد طریقی ایله اؤزگه‌یه بنزه‌ماق و یوخاریدا گؤرونماق ایسته‌ییرلر. بئله انسانلار، هزینه ائله‌دیقلاری یئری اؤز احتیاجلاری اینن یوخ بلکه اونلاری جامعه‌ده یوخاری گؤرسه‌ده بیلن یئرلره باخیب تعیین ائلیرلر. اونلارین فکری ذکری هر نه‌یین بهاسینا اولموش اولسا بئله، اطرافلارینا گؤره داها
یوخاریدا گؤرسنماق اولور. بو دوشونجه انسانلارین بوتون یاشاییش ساحه‌لرینده ایستر اجتماعی ایستر سیاسی و حتی شخصی ساحه‌لرینه اؤزونو بروزه وئریر.