شرقی آذربایجانین اسلامی انقلاب فجر دهه‌سی‌نین مراسملر ستادی‌نین رئیسی دئدی: فجر دهه‌سی ناب محمدی اسلامین تازادان حیات تاپماسیدیر.
مهرین تبریزدن وئردیغی خبره گؤره، حجت الاسلام حسین تقی زاده تبریزین جمعه
خطبه‌لریندن قاباق، نماز قیلانلار جمعینده بو ایلکی 22 بهمن راه‌پیمالیغین
«لبیک یا رسول الله» رمزی اینن برگزار اولماسینی دئماغینان آرتیردی: فجر دهه‌سی
جماعتین قورتولماسی‌نین باشلاماسی و اسلام
صدریندن ایندیه قدر تاریخیمیزین لاپ بؤیوک
ظفریدیر.
او بو دهه‌نین
برنامه‌لری‌نین عظمتلی اولماسی‌نین
ضرورتینه اشاره ائله‌ماغینان آرتیردی: مبارک فجر
دهه‌سی جمهوری اسلامی بنیانگذاری‌نین
قالارگی میراثیدیر و بو ایلین 22 بهمن راهپیمالیغیندا اولماق، هم اسلام پیغمبرینه
علاقه نشان وئرماق و هم هسته‌ای مذاکره‌لرین
حساس مرحله‌یه چاتماسی جهتدن خاص اهمیته مالکدیر.
حجت الاسلام تقی
زاده دشمنین اسلام قاباغیندا بوتون گوج اینن دایانماسینی دئماغینان آرتیردی: فجر
دهه‌سی جماعتیمیزین استعمارچیلارین الیندن قورتولماق مقطعی‌دیر
و اسلامی انقلاب دنیادا وحدت و بیرلیق نداسینی وئرندیر.