تبریز شهرداری ایکی چینلی و کرواسی هیأت اینن گؤروشده تبریزین دمیر یول نقلیاتی باره‌سینده دئدی: تبریزین شهری مدیریتی، لازم اولان استانداردلار، گون تکنولوژیسی و گرکلی گؤزللیغی نظرده آلماغینان تراموا سالماغی دوشونور.

تبریز شهرداریسی‌نین عمومی رابطه‌لری‌نین وئردیغی خبره گؤره، صادق نجفی کرواسی‌نین نقلیات تکنولوژی «کونچار» شرکتی‌نین خدمت و ساتیش مدیری اینن گؤروشده دئدی: کرواسیده موفق ترکیبی نقلیات تجربه‌لری، مخصوصاً زاگربین ترامواسینداکی تجربه، ایکی طرفین مناسب رابطه‌سینه دقّت یئتیرماغینان، تبریزین شهر قطارینا یاخجی نمونه اولا بیلر.

او، تبریز شهردایسی‌نین، دمیر یولو نقلیاتی‌نین وضعیتینی مختلف اقتصادی استراتژیلر اینن نظرده آلدیغینی دئماغینان، تأکید ائله‌دی: آرتیق توافقه چاتماغینان، تبریزین شهر مدیریتی طرفیندن مالی منابعین تأمینی و خارجی طرفیندن گَرَکلی اطرافلی مطالعه‌لر اوچون بللی بیر زمانلاما تعیین ائدیله بیلر.

نجفی آرتیردی: تبریزین شهری مدیریتی، لازم اولان استانداردلار، گون تکنولوژیسی و گرکلی گؤزللیغی نظرده آلماغینان تراموا سالماغی دوشونور و بونا گؤره، خارجی تعامل‌لرین گئدیشینده، گون تکنولوژیسینی بررسلیق و مقایسه ائلیر.

تبریز شهرداری بو گؤروشده، کوانچار شرکتی‌نین فنی پیشنهادلاری و وئردیغی مسیر نقشه‌لرینی بررسلیق ائله‌ماق ضمنینده، بو شرکتین تبریزین شهر نقلیاتی متخصص‌لری اینن گله‌جاقداکی هماهنگلیقلاری‌نین لازم اولماسینا تأکید ائله‌دی.

کونچار شرکتی‌نین مدیری، نینیچ‌ده بو گؤروشده، فنی و متخصص هیأتین بو گؤروشدن اوّل تبریزین یونگول شهر قطاری باره‌سینده‌کی پروژه‌نین اوّلیه فنّی معلوماتینا دقّت یئتیرماغینی دئماغینان آرتیردی: بو مطالعه‌لره گؤره، «شمالدان جنوبا» مسیری تراموا مسیرلری‌نین اولویتی اولا بیلر کی سونرالار بو مسیر «شرقدن غربه» مسیرینه یاپیشماغینان تبرزیز شهرینی احاطه ائله‌یه.

او آرتیردی: تبریزده اولان پوتانسیل‌لر و زیرساختلارا دقّت یئتیرماغینان، بو شهرده تراموا قوشماغا مانع گؤروشمور.

تبریز شهرداری، کروات هیأتیندن قاباق، تبریزین دمیر یولو نقلیاتی باره‌سینده چینلی بیر هیأتی اینن‌ده گؤروشوب دانیشدی.

نجفی، چینین نقلیات مهندسلیق شرکتلریندن بیری‌نین رئیسی «لو چنگ» اینن گؤروشده دئدی: « تبریز متروسو واگونلارینا ایکی رام علاوه ائدیلدیغی تقدیرده، آز زماندا مقرر مالی منابعینی ال سی و یا بانکلار آراسی شبکه‌لرینن وئرماغا حاضروق.

او آرتیردی: بو جور پروژه‌لرده زمان لاپ مهم فاکتور ساییلیر و بونا گؤره، مالی منابعه نظرده آلدیغمیز تدبیرلره دقت یئتیرماغینان، بو فاکتورو الدن وئرماغا اصلاً حاضر اولماروق.

لو چنگ‌ده بو گؤروشده دئدی: « مساعد همکارلیق سابقه‌یه دقّت یئتیرماغینان، ایکی طرفین مشارکتی‌نین دوامینا مانع یوخدور.