اوشاغین
اوستونه قیشقیرماق سیزدن کنترلون ایتیرمیش بیر حیرصلی تصویری یارادیر.
جسارتی
اوشاقلار اؤزلرینی بؤیوکلرینن بیر گوجده و یا حتی اونلاردان داها گوجلو بیلیرلر.
سیزین نا مناسب رفتاریز اونلارین بو فکرینی داها دا آلوولاندیرار. یادیزدا اولسون
اوشاقلار آتا آنالارنی کنتلدان چیخمیش گؤرنده نا امنلیق حسّ ائلرلر.
مطالعه‌لر اوشاقلارین تربیتینده قیشقیرماقدان استفاده ائله‌ین والدینلرین، بو عمل اینن اونلارا روحی صدمه
ووردوقلارینی گؤرسدیر.
سیز اوشاغین
اوستونه قیشقیراندا اونو دا منفی عکس العمل گؤرستماغا سوق وئریرسیز. اونون بو عملی
مقابلینده سیز داها دا آرتیق قیشقیریرسیز و بو دعوا بؤیویونجن دالیسی گلیر و مشکل‌ده حل اولمور. آما بو مسأله‌نین حلّی وار:
اطلاعاتیزی
چوخالدین: بیریمینجی آددیمدا سیزین قیشقیرماغیزا سبب اولان مسأله‌نی تاپین. اویناتمالی‌لارینی ائوه داغیدیب؟ نه‌منه سیزی غضبلندیریب؟ اونو تاپیب و وضعیتی آراملاتماغا
الیزدن گلن یولو آختارین.
اؤزوزه بیر
داها قیشقیرماماغا سؤز وئرین: بو ایده ساده و فایداسیز نظره گله بیلر، آما هر
رفتار دَییشمینی، اؤزوزده مثبت خصوصیتلری تقویت ائله‌ماقدا اولدوغونو بیلین.
آرام دانیشین:
بعض اتفاقلار دؤزولمز اولسا دا آرام دانیشماغا چالیشین. اوشاقلارین‌دا ایشلریندن ال چکیب سیزه دقت اینن قولاق آسماقدان ساوای
چاره‌لری یوخدور. بئله‌لیغینان سیز آرام قالیرسیز و اوشاقلار و هامی بیر-بیرلری‌نین سؤزلرینه نئجه قولاق آسماغی اؤرگشرلر.
انتظارلاریزی
مدیریت ائله‌یین: قیشقیرماماغیزی ایسته‌سز یولونو دا هامارلامالیسیز. عاغیللی حرکت ائله‌سیز چتین ایش
گؤرماق لازم گلمیه‌جاق. اگر اویناتمالیلارین
داغیناقلیغینا گؤره اونا غضبلنیرسیز، اوینایا بیلدیغی اویناتمالیلارین ساییسینی
آزالدین. نتیجه‌ده هم قیشقیرماسیز و هم
زحمتیز آزالار.
هر شئیی
اورگیزه آلمایین: اوشاقلاریزین ایشلری باره‌ده اوتوروب دوشونسز، اونلار بعضاً سیزی غضبلندیرسه‌لر ده بو ایشی قصد و غرض اینن گؤرمه‌دیقلرینی بیله‌جاقسیز.
مقایسه ائله‌مه‌یین و شاکر اولون: اؤزوزو
آیری والدینلری و یا اوشاقلاریزی آیری اوشاقلارینان مقایسه ائله‌ماق سیزه خوشا گلمزلیقلارا چاتان اوتوبانا سالار.
زندگانلیغا شاکرانه باخساز داها آرتیق پوتانسیل‌لر گؤره‌جاقسیز. اوشاقلاری سیزین
اوشاقلار کیمی سالم اولمایان و قیشقیرمادان و اعتراض ائتمه‌دن یئرلرینی سیزینله دَییشماق آرزیسیندا اولان آتا آنالارا
دوشونون.