Gigas-ین ال یازیلاری توراتین متنلری و دانیشقلارینی محاوره شکلینده
احتوا ائله‌ین، 800 ایل بوندان اوّلدن
(قرون وسطی‌دان) ایندی‌یه قالمیش عظمتلی و دئو آسا کتابدیر.
قرون وسطی‌دان قالمیش بو لاپ بؤیوک کتاب، اینک و اوزون قولاق دری
اوستونده یازیلیب. آما بو کتابین «شیطان انجیلی» آدینا معروف اولماسینا سبب، اونون
299-جو صفحه‌سینده اولان شیطانین مرموز
و یئرسیز بیر تصویری‌نین چکیلمه‌سیدیر.
افسانه‌لره گؤره، بو تصویر شیطان طرفیندن مسخ اولونموش اؤزونو
شیطانا ساتمیش راهبین الی اینن بو کتابا چکیلیب. بو تصویرده شیطان انسانلارا
آغزینی اَییب یاندی – قیندی وئریر. بو کتابین هر صفحه‌سی‌نین بویو 92 سانتیمتر و
اَنی 50 سانتی متردیر. بو 310 صفحه‌لیق
کتابین جلدی تخته، مئتال و گؤندندیر و 74 کیلو آغیرلیغی وار.
بو کتاب 13-جو
عصرده چک اؤلکه‌سینده یازیلیب. 1648-جی
ایلینده سوئد اینن 30 ایللیق جنگ زمانی سوئد ارتشی طرفیندن اوغورلانیب و
ایندیلیقدا سوئدین استکهلم شهری‌نین موزه‌سینده‌دیر.