100 ایل X اشعه‌سی‌نین آلمانلی بیر عالم طرفیندن کشف اولونماسیندان سونرا ایندی ناتاشا آدلی روس قیزی‌نین گؤزلری‌نین X اشعه‌سی گوجونه مالک اولماسی دکترلری تعجبلندیریب. او انسانلارین داخلی اورگانلارین گؤرماق ادعاسینی ائلیر.
پراودا یازیر: Natasha Demkina ادعا ائلیر گؤزلرینده اولان اشعه‌نین کؤمگی اینن انسانلارین داخلی اورگانلارینی گؤرور و اونلاردا اولان ناخوشلوقلاری و یا سینیقلاری تشخیص وئره بیلیر.
او ۱۹۸۷ ایلینده موسکو دنیایا گلدی و ایندی موسکو مرض‌خاناسیندا خاص ناخوشلوقلارین تشخیصی مرکزینده ایشله‌ییر.
ناتاشا دنیانین هر طرفیندن روسیه‌یه گئدن دکترلرین تعجبلی باخیشلاری قاباغیندا دئدی: «آناملا بیلیقدا اوتورموشدو کی بیردن بیره گؤزلریمین آیری جور گؤرمه‌سینه متوجّه اولدوم. حیرت ایچینده آنامین داخلی اورگانلاری‌نین نئجه ایشله‌دیگینی گؤردوم. بو مسأله‌نی تئز آناما دئدیم. او گوندن بویانا من انسانلارین بدنینی عادی صورتده گؤرمورم چونکی اونلارین داخلی اورگانلارینی رنگلی صورتده نئچه ثانیه‌لیغا گؤرورم. من اؤزوم بونا طبّی باخیش آدی وئریرم».
بو قیزین ادعالاری همیشه‌ده دوز اولمور. مثلاً لندنده کریس استیل آدلی بیر طبیبه اوندا نئچه ناخوشلوغون اودوغونو او جمله‌دن بؤیرک داشی اولدوغونو دئمیشدی آما دکتر استیل دقیق تحلیل و آزمایشلردن سونرا بو ادعالارین هامیسی‌نین یالان اولدوغو اورتایا چیخدی.