اوشاقلار ایکی یاشیندان سونرا مستقل اولماغا میل‌لی اولورلار و آتا آنا بونو نظره آلاراق شرایطی تنظیمله‌مه‌دیلر. مستقل‌لیک
حسّی اوشاقدا عنادکارلیغینان عینی زماندا باشلار. بو اساسدا اوشاغین بو
یاشدا اولان عنادکارلیغینی والدین اونلارینان مخالف اولما معناسینا
آنلاماسینلار بلکه بو اوشاغاین بؤیومه مراحلینده بیر مرحله کیمی نظرده
آلینمالیدیر.
اوشاقلاردا
مسئولیّت حسّینی گوجلندیرماقدان اؤترو گوجلری چاتدیغی قدر اونلارا
مسئولیّت وئرماق لازمدیر. حتی ایکی – اوچ یاشا آرالاریندا یاواش- یاواش
اونلارین اوتاقلارینی آییرماق یاخجی اولار. آما بعضی اوشاقلار دا اولور کی
بو یاشدا مستقل اولا بیلمیرلر و اونلارا داها آرتیق زمان وئرماق لازمدیر.
جامعه‌میزده
اولان بیر اوشاقلیق مشکلونه گؤره والدینین ایشی بیر آز چتین اولور و
اونلار اوشاقلارینا اولان اعتمادلارینی چوخالدیب باشاردیقجا اوزاقدان
اوزاغا اونلاری نظر آلتیندا ساخلامالیدیلار و اونلارا مستقل اولماق
امکانینی یاراتمالیدیرلار.