ایرانا داخل اولان بیرینجی ماشینلاری، مظفرالدین شاهین امری اینن 1280-جی ایلینده بلژیکین بروکسلیندن آلیندی. بو ماشینلار داش کؤمورونن ایشلیردیلر. سونرالار فرانسه‌دن ده ایکی رنو ماشینی آلیندی آما اونلارین عاقبتی قاباقکی ماشینلارا تای خوش اولمادی. اونلار روسیه و خزر یولو اینن اؤلکه‌میزه داخل اولدو آما اونلارین بیری انزلی-تهران یولوندا خراب اولوب فقط بیری ساغ سالم تهرانا یئتیشدی.
مظفرالدین شاهدان سونرا محمد علی شاه دا اؤلکه‌میزه ماشین گتیردی. بیر گون او فایتونونان بیر یئره گئده جاغیدی کی بیر توطئه‌دن خبردار اولور و فایتون عوضینه ماشینینان گئدیر. یولدا یعنی مسعودیه عمارتین قاباغیندا اونون فایتونونا ال بومبی آتیرلار آما شاهین اوندا اولمادیغی اوچون اونا بیر اتفاق دوشمور.