قره‌داغین حفاظت اولموش منطقه‌سی‌نین 80 مین 427 هکتار مساحتی وار کی آراز چایی‌نین جنوبوندا و جلفا اینن مغان چؤلو، ساوالان، بوزقوش و سهند داغلاری آراسیندا یئر آلیر. بو منطقه بیوسفر مخزنی کیمی ثبته یئتیشیب و نباتی و حیوانی جهتدن چوخ یوخاری ارزشه صاحبدیر.

قره‌داغدا مینلر نوع گیاه و مارال، کؤپگر، قافلان، قونور آیی، کئچی، وحشی پیشیک و شکاری قوشلار: قارا خوروز، قرقاوول، توراج کیمی جور به جور نادر حیوانلار یاشاییر.

بو منطقه اؤزونه مخصوص خصوصیّتلرینه گؤره 1354-جو ایلینده یونسکو طرفیندن یئر کره‌سی‌نین حیاتی ذخیره‌سی کیمی تانیندی و دنیا سطحینده جانلی فسیله معروفدور.

قره‌داغ جنگل‌لرینده 450 دن 600 گرمه قدر یاغینتی اولار. بو مقدار گیزلی یاغیش آدلانان مئهلی هوایا گؤره 750 میلی متره چاتار. شکسیز ائله بو مسأله بو منطقه‌نی بو قدر نباتی و حیوانی جهتدن غنی ائله‌ییب.

بو منطقه‌ده مین جوردن آرتیق گیاه وار کی اونلارین یوزده 46-سی داوا کیمی، یوزده 20-سی بزک کیمی، یوزده 17-سی یئمک کیمی، یوزده 28-ی یئم کیمی، یوزده او-و حفاظت اولونموش ویوزده بئشی صنعتی گیاه کیمی استفاده اولونور. اونلاردان پالید، آردیج، وَلَس، آغاج‌قایین، وحشی گیلاس، قارا چؤهره، گیرده‌کان، آرمود، نار، قاراگیله، زریش، و سماقاز آغاجلارینی آد آپارماق اولار.

قره‌داغین حیوان تنوّعی ده 320-دن آرتیقدیر. اونلارین 39 نوعی ممه‌لی‌لر، 220 نوعی قوشلار، 38 نوعی سوروننلر و دوزیستلر، و 22 نوعدا بالیقدیلار. قارا خوروز اؤلکه‌میزده فقط بو منطقه‌ده اولار و آیری حیوانلاردان قره‌داغ قرقاوولو، قافلان، کؤپگر، چؤل گئچیسی،چؤل پیشیگی، جنگل پیشیگی و جور به جور کؤچری قوشلاری آد آپارماق اولار.

قراه‌داغ جنگل‌لرینده جور به جور طبیعی منظره‌لر او جمله‌دن سیلدیرم داشلار، جنگل‌لر، اوتلاقلار، چایلار و اکین یئرلری و جور به جور طبیعی محیطلر او جمله‌دن "آنزا"، "کلن"، "پیر دره‌سی"، " قارونلار"، "قلعه دره‌سی وینق"، "شاه اتران" و "وایقان" کیمی یئرلری اؤزونده یئرلشدیریب.