تبریز کلانشهری بو گونلر آز سابقه‌لی هوا چیرکلیغینی تجربه ائلیر. حرارتی
نیروگاه و کهنه اوتوبوسلار کیمی مختلف عامل‌لر اونون بو گونه دوشمه‌سینده مهم
نقشلری وار.
بو مسأله کئچن هفته‌لره نسبت اورک و ریه ناخوشلاری‌نین سیسینی یوزده اوتوز
آرتیریب و آیری طرفدن اوشاقلار و قوجالار بو ناخوشلوقلارین داها چوخ معرضینده
اولورلار.
تبریز هواسی‌نین چیرکلنمه‌سیند نئچه عامل وار کی اونلاری آرادان آپارماق و یا
هئچ اولماسا تأثیرینی آزالتماق اوچون مسئول‌لار طرفیندن دوزگون برنامه لازمدیر.
تبریزین حرارتی نیروگاهی چوخداندیر کی طبیعی گاز یئرینه مازوت یاندیریر بو
مسأله هوانین جوجوت دی اکسیدینی آرتیریر و هوانی چیرکلندیرن آیری گازلار دا تولید
ائلیر.
هوا چیرکلیغی‌نین آیری عاملی‌ده خیابانلاردان گزن ماشینلاردیلار کی سایلاری
حددن آشیب. شهرده اوتوبوسون آزلیغینی استانداری‌نین حمایتی اینن آرادان آپارماق اولار
کی بو مسأله جماعتین عمومی ماشینلاردان استفاده ائله‌ماغا رغبتلندیرر. ایندیلیقدا
تبریزین 1200 تازا اوتوبوسا احتیاجی وار و هر ایل 200 تازا اوتوبوس آلینمالیدیر.
بو چیرکلی هوادا جماعتیمیزه توصیه اولور هئچ عنواندا ماسکسیز ائودن ائشیگه
چیخماسینلار.