«سیزین بئینیزین احساسلی
یاشاییشی» کتابی‌نین مؤلفی، «ریچارد ودیدستون» ذهنین آراملاشماسی اوچون بیر سئری
تمرینلر ارائه وئریر:
ائویزه و ایش یئریزه مثبت
باخیشیز اولسون
بو ایش اوچون ائویزی و ایش
یئریزی جور به جور خاطره‌لر و خوش آنلارینان دولدورون. مثلاً اورانی مسافرتلریزدن
اولان شاد عکسلریزینن دولدورون. عکسلرین تکرارلی اولماماسی اوچون نئچه وقتدن بیر
اونلاری دگیشین.
قدر بیلن اولون
اطرافیزداکیلارین قدرینی
بیلماغی نشان وئره بیلسز، اونلارا مثبت و یاخجی تأثیر قویموش اولورسوز. بونا گؤره
مخاطبیزین گؤزلرینه باخاراق «تشکر ائلیرم» دئیین. سونرا بوتون مثبت حادثه و
ایشلریزی گونده‌لیق دفتریزه یازین.
آیریلارینی تعریفله‌یین
آیریلارین مثبت ایشلرینی
کشف ائله‌ماغینان، بئینیزه آیریلارین یاخجیلیقلارینا فکرلشماغی اؤرگدیرسیز و بو
سیزین فردی یاشاییشیزدا چوخ مثبت تأثیر قویار و بو مثبت انرژی، سیزین اورگیزه و
بئینیزه داخل اولار.
مدیتیشن ائله‌یین
انسانلار، ایچ دنیالاریندان
خبردار اولماق اوچون مکاشفه و دوشونجه‌یه احتیاجلاری وار. تماماً آییق اولدوغوز
زمان دوز اوتورون، نفس آلماغیزدا دقیق اولون و بدنیزین جوابلارینا دقّت ائله‌یین.
دقّتیز داغیلسا دا تازادان نفس اولماغیزا دقیق اولون.
بدن دیلینه چوخ دقّت
یئتیرین
جامعه‌ده یاخجی گؤرونماق
ایسته‌ییب انسانلارینان دوزگون رابطه قورماق ایسته‌سز یاخجی اولار مختلف حال‌لاردا
انسانلاری بدنلری‌نین عکس‌العمل‌لرینه دقّت یئتیره‌سیز. اؤز ایچیزده حدس ووراسیز
کی ایندی اونون احساسی نه‌دیر. سونرا بو تمرینی دوستلاریزین اوستونده ائدین و
گؤرون حدسیز نه قدر دوزدور.
گونده اون دقیقه دقیق اولون
دقّت گوجوزو آرتیرماق اوچون
گونده اون دقیقه ساکت بیر اوتاقدا اوتوروب آچیق گؤزله اوز به اوزده‌کی سوژه‌یه
مثلاً تابلو و یا آیری بیر شئیه دقیق اولون.
حسّلریزی تحریک ائله‌ینلری
تانی‌یین
همیشه متعادل اولماق ایسته‌سز
و حسّلریزین اسیری اولماماق ایسته‌سز، حسّلریزی تحریک ائله‌ین حادثه‌لری
یازمالیسیز. سونرا نئچه درین نفس آلیب و ریلکس حالدا 15 دقیقه بویوندا او موضوعلار
باره‌ده و وئردیغیز عکس‌العمل‌لر باره‌ده دوشونون.
مهربانلیغی و دردلری درک
ائله‌ماغی تصوّر ائله‌یین
مهربان و شفقتلی یاشاییشیز
اولماغینی ایسته‌سز، هفته‌ده دؤرد بئش دفعه و هر دفعه بئش اون دقیقه بو تمرینی
ائله‌مه‌لیسیز: تصوّر ائله‌یین دوستلاریزین بیری زندگانلیغیندا مشکلی وار و سیز
اونا دلدارلیق وئریب اونو آراملادیرسیز. هر نفس آلماغیزدا اونا دلدارلیق وئریب و
هر نفس وئرماغیزدا اونون تسکین تاپماسینی گؤرورسوز. بو انسانین دردلری‌نین بیر آز
آزالماسینا سبب اولار.