تبریز شهری بیر زمانلار باغ-شهریدی،
ایندی نه اینکی او گونلردن بیر شئی قالمیر بلکه هوا چیرکلیغی گیردابیندا قالماقدان
علاوه دوزلو یئللرینن‌ده تهدید اولور.
تبریز کلانشهری بیر طرفدن
سایسیز کرخانالار و ماشینلاری اینان و بیر طرفدن‌ده اورمیه دریاچه‌سی معضلی اینن
جدّی صورتده هوا چیرکلیغی اینن اوزلشیب. ائله کی اؤلکه‌نین لاپ چیرکلی شهرلریندن
بیرینه چئوریلیب.
تبریز باغلاری‌نین
داغیلماسی بو شهرین هواسی‌نین چیرکلنمه‌سینده بؤیوک نقشی وار.
صنعتی چیرکلندیرنلردن
علاوه، بیر مدّت اولار کی عرب اؤلکه‌لریندن گلن توز-تورپاق تبریز هواسینی شدّتلی
صورتده چیرکندیریر. بو توز-تورپاق تبریزلی‌لری صاف هوادان محروم ائله‌ماقدان علاوه،
اونلارین ساغلاملیغینی‌دا تهدید ائلیر.
گؤزدن یاش گلمه، قاشینما،
بوغاز، بورون و گؤزده آجیشما بو توز-تورپاغین قیسا عوارضیدیر کی آغ جیگرلره تأثیر
قویوب اؤسکورمگه و تنگی نفسه‌ده سبب اولور.
تبریزه دوز حمله‌سی، بو
گونلرین دانیلماز حقیقتی
صنعتی چیرلندیرمه‌لردن
علاوه، تبریزی بؤیوک بیر دوز حمله‌سی تهدید ائلیر. پاییز فصلی‌نین باشلاماسی و
فصلی یئللرین گلمه‌سی اینن بو تهدیدلر آجی واقعیته تبدیل اولوب و بو خطردن
قورتولماق اوچون داها نظریه وئرماق وقتی کئچیب و عمل وقتیدیر.
غربی و شرقی آذربایجان،
اورمیه دریاچاسی قوروماسی‌نین صدمه گؤرنلرین مقدّم صفینده‌دیلر و بو خطر او بیری
استنالاری‌دا تهدید ائلیر.
اورمیه دریاچاسینی
قورتارماغا، اوزون مدّت یوللاردان علاوه، قیسا مدّت یوللار دا وار کی اونا سو
چاتدیرماق اوزون مدّت یولدور و او ایش باشا چاتمامیش قیسا مدّت ایشلر ده گؤرولمه‌لیدیر.
یوخسا منطقه‌میز بؤیوک بیر قورولوق و شورازارلیغینان اوز به اوزدور.