توسعه و همکارلیق سازمانی‌نین (OECD) وئردیغی آمارا گؤره روسیه توسعه تاپمیش اؤلکه‌لرین ایچینده لاپ سوادلی جمعیّته مالکدیر. 2011-جی ایله قدر روسلارین 53.5 درصدی‌نین کالج مدرکی وار. بو سازمانین آمارینا گؤره دنیانین لاپ سوادلی اون اؤلکه‌سی بونلاردیر:

روسیه: 2011-جی ایلینده 64-25 یاش آراسی جمعیتین یاریسیندان چوخو کالج سطحینده و یوزده 95 –ی متوسطه مدرکلری واریدی.

کانادا: 2011-جی ایلینده هر دؤرد کانادالیدان بیری فنی حرفه مهارتی دؤره‌سی گؤرموشدو.

ژاپن: ژاپنلی‌لارین یوزده 46.4-ی‌نین کالج تحصیلاتی وار. و یوزده 23-و عالی تحصیلات آلیبلار.

آمریکا: بو اؤلکه‌‌ جمعیتی‌نین یوزده 42.5-ی‌نین کالج تحصیلاتی وار.

جنوبی کره: کره‌لی‌لر درسی قورتاراداندان سونرا آیری اؤلکه‌لره نسبت داها راحت ایش تاپا بیلیرلر. بو اؤلکه‌ده لیسانس آلانلارین فقط  2.6 درصدی ایشسیز قالیبلار. بو اؤلکه‌ جماعتی‌نین 40.4 درصدی‌نین کالج تحصیلاتلاری وار.

بریتانیا: بو اؤلکه‌ جماعتی‌نین یوزده 39.4-و کالج حدّینده تحصیلاتلاری وار.

نیوزلند: نیوزلندلی‌لرین چوخو متوسطه دؤره‌سیندن سونرا تکنیکی و فنّی مهارتلری کسب ائلیرلر. بو اؤلکه جماعتی‌نین یوزده 39.3-نون بئله تحصیلاتی وار. نیوزلند بودجه‌سی‌نین یوزده 21.2-سی تحصیلاتا صرف اولور.

فنلاند: بو اؤلکه جماعتی‌نین یوزده 39.3-نون کالج حدّینده تحصیلاتی وار.

استرالیا: بو اؤلکه جماعتی‌نین یوزده 38.3-نون کالج حدّینده تحصیلاتلاری وار.