کئچن
قیرخ ایل بویوندا شهرده‌کی هر 40 بوشانماغا کندلرده فقط بیر بوشانما اولوردو. آما
83-جو ایلینده بو نسبت اوتوزا چاتمیشدی. مطبوعاتین یازدیغینا گؤره ایشسیزلیق کیمی
عامللر کندلی‌لری شهرلره چکیب و جوان نسلین کؤچمه‌سی اینن اؤلکه‌میزین بعضی کندلری
بوشالیب. آما کندلی‌لرین شهرلره حددن آرتیق کؤچمه‌سی نه اینکی بوشانما سایی‌سینی
آزالتماییب بلکه آمارلارین گؤرستدیغینا گؤره شهرده‌کی هر 10 بوشانماغا کندلرده 9
بوشانما ثبت اولور. ائله بیر آمار کی جامعه شناسلارین دئدیگینه گؤره اونلارین
کناریندان راحتجه‌سینه کئچماق اولماز. چونکی کندلر کئچمیشدن قالان عادتلریمیزین
خزانه‌سی ساییلیرلار.
مازندران، همدان و شرقی آذربایجان
استانلاریندا بوشانمانین خطر آژیری
بیر مدّت اوّل رضا آزادی
مازندران استانداریسی‌نین کند ایشلری دفتری‌نین رئیسی استانین کندلرینده اجتماعی
صدمه‌لرین آرتماسیندان خبر وئریب دئمیشدی: بوشانما، اعتیاد و . . . کیمی اجتماعی
صدمه‌لر کندلره‌ده داخل اولوب و یوخاری مدیرلر بو صدمه‌لر آزالتماق اوچون دوزگون
سیاستلر اجرا ائله‌مه‌لیدیلر. همدان کندلرینده ده بوشانما سایی‌سی مازندراندان
دالی قالمیر. هر یوز کند ائولنمه‌سیندن دؤردو بوشانماغا چاتیر. بو آمار نهاوند
کندلرینده داها یوخاریدیر. 90-جی ایلینده نهاوند شهرستانیندا 435 باش وئرمیش
بوشانمالارین 204-و کندلره مخصوص ایدی.
جاری ایلین مردادیندا دا شرقی
آذربایجان بناب شهری‌نین فرمانداری سعید برقی، بناب کندلری‌نین بوشانما سایی‌سی‌نین
آرتماسیندان خبر وئردی. بو مسأله‌نین اساس سببی رسانه‌لردن انتقال تاپان فرهنگ
اولا بیلر. هر کندین اهالیسی تصویری رسانه‌لردن چوخ استفاده ائله‌دیقجا داها چوخ بو
صدمه‌لرین معرضینده اولورلار.