بو یازی پرینسون دانشگاهی‌نین اوستادی، معاصر فیلسوف «آنتونی آپیا» نین جهانی هویّتینن ملّی هویّتین نئجه بیر یئره ییغماغی باره‌ده اولان نظریّه‌سینی تحقیق ائلیر.
معاصر نظریّه‌چی آنتونی آیپانین، اخلاق، سیاسی فلسفه، اجتماعی فلسفه و چوخ فرهنگلیق کیمی انسانی علملر زمینه‌سینده مختلف نظرلری‌نین یوخاری اهمیّتی وار.
آیپا « هویّت اخلاقی» آدلی کتابیندا کئچن دؤرلرده هویّتی تشکیل وئرن عنصرلاری مطرح ائلیر و فردلیق و جمعلیق هویّتی آراسینداکی نسبتی تحقیق ائلیر.
اونون نظرینه گؤره عیرق، قومیّت، ملیّت و جنسیّت، سون اون ایللرده هویّت و جمعی هویّته مربوط اولان بحثلرده مهم نقشلری واریدی.
آیپایا گؤره بو ارزشلره دقّت یئتیرماق آیری ارزشلری کؤلگه‌ده قویور. جمعی هویّت و فردلیغین آراسینداکی نسبت، هویّت بحثینده دقّتی جلب ائله‌ین بحثلردن ساییلیر.
گؤره‌سن جمعی هویّت، فردی آزادلیقلاری محدودلاشدیران آزادلیقدی؟ بئله اولان تقدیرده جمعی هویّت نه قدر فردلیغی و فردی آزادلیغی محدود ائلیر؟
آیپا بو اثرینده آیری عالملرین نظرلرینی مطرح ائله‌ماغینان بو اساسلی سؤال‌لارا جواب وئریر. آیپا بو کتابدا بئله دئییر: هویّت اخلاقی بیر طرفدن فردلیغا مربوط اولان ادعالار (کی زندگانلیغیمیزی دوزلدن وظیفه‌لره شامل اولور) و آیری طرفدن هویّته مربوط اولان ادعالاردی. (کی اؤزوموزه جمعی هویّت تعریفله‌ماغا امکان وئرن هویّتی تشکیل وئرن اجتماعی عنصرلاردیلار.)
آیپا، فردی و جهانی هویّتین آراسینداکی رابطه‌یه تأکید ائله‌ماغینان، فردی فرهنگ و هویّتین فقط تانینمیش بشری و جهانی ارزشلره ضرر یئتیرمه‌دیغی زماناجن قبول اولونا بیلمه‌سینه تأکید ائلیر.
بو، همان اجتماعی هویّتیمیزین فردی هویّتیمیزی محدودلاشدیران مرزدیر کی فردی زندگانلیغیمیزی اؤز تأثیری آلتینا آلیر.
او «جهان وطنی» باخیشینا اینانماغینان انسانلارین بیر-بیرلرینه جواب وئرمه‌لی اولمالی اولدوقلاری اوچون جهانی هویّته صاحب اولماغا تأکید ائلیر. او ملّی هویّتی نفی ائله‌میر آما اونو، جهانی هویّتین کؤلگه‌سینده قبول ائلیر. آیپا جهان وطنی فلسفه‌سیندن تأثیر آلیر و بو فلسفه‌نین یارانماسی‌دا «هگل»دن «بویس»ـا قدر آلمانلی فیلسوفلاردان تأثیرلنیب.