تبریز شهرداری: تبریزین صنعتی بینالارین دوزلتمه‌سینده دقیق کارشیناسلیق ایش گؤرولمه‌ییب.
تبریز شهرداری دئدی:موتأسیفانه تبریزین صنعتی بینالارین دوزلمه‌سینده و اونلارین یئرلشمه‌سینده دقیق کارشیناسلیغینان ایش گؤرولمه‌ییب و بو بینالار شهرین شرق-غرب یئللرینی نظرده آلمادان دوزلیب.
فارسین تبریز شهرداریسی‌نین عمومی رابیطه‌لریندن وئردیغی خبره گؤره، علیرضا نوین دئدی: تبریزده یاشیل فضا حوزه‌سینده شهر مودیریّتی‌نین ایجرایی برنامه‌لری، طرحلری و سیاستلرینن، قدیمکی باغ شهر تبریزین هدفینه یئتیشیروق.
او منطقه یئددی محدوده‌سینده یئرلشن «لاله» و «رواسان» باغلاراینا ایشاره ائله‌ماغینان دئدی: تبریز شهرداریسی چالیشیر لاله و رواسان باغلارینی آلیب إحیاء اله‌ماغینان کئچمیش ایللرده یاشیل فضالاری خرابلاماغینی جوبران ائله‌سین.
تبریز شهرداری دئدی:موتأسیفانه کئچمیش ایللرده تبریز باغلاری‌نین خرابلاما گئدیشی چوخ شیدّتلی ایدی کی باعیث اولوب بو شهر اکولوژی و یاشیل فضا و ایجتیماعی شادلیق باخیمدان تنزّول ائله‌سین و اؤلکه‌نین ایکینجی آلوده شهری حسابلانسین.
نوین آرتیردی: موتأسیفانه تبریزین صنعتی بینالارین دوزلمه‌سینده و اونلارین یئرلشمه‌سینده دقیق کارشیناسلیغینان ایش گؤرولمه‌ییب و بو بینالار شهرین شرق-غرب یئللرینی نظرده آلمادان دوزلیب. بو دا بو کرخانالاردان چیخان توستولرین موستقیم مسکونی منطقه‌یه داخیل اولماسینا سبب اولور.
او آرتیردی: یاشیل شهر طرحی تبریزین باغلارینی آبادلاماق مقصدی اینن نئچه ایل اوّل باشلانیب و یوزلر میلیار ریال سرمایه اینن اومید وئریجی نتیجه‌لر حاصیل اولوب.