آغیز سویونون آزماییشی اوغلان اوشاقلاری‌نین داعواکار اولوب اولمادیقلارینی تشخیص وئرماغا کؤمک ائلیه بیلر. «سینسیناتی» مریضخاناسی‌نین طیبّی تحقیقات مورکزی‌نین موطالیعه‌لرینه گؤره آغیز سویونداکی هورمونلارین غیلظتی اینن اوشاقلارین داعواکارلیغی‌نین آراسیندا رابیطه وار.
موحقیقلر7 - 9 یاشلاریندا اولان اون یئددی اوشاغین آغیز سویوندان نمونه گؤتوروبلر. بو اوشاقلارین روحی موراقیبتلره احتیاجلاری اولدوقلاری مریضخانا طرفیندن تأیید اولموشدو.
بو نمونه‌لری اوچ؛ تستوسترون، دهیرواپیاندروسترون و کورتیزول هورمونلاری سطحینده آزماییش اولوندو.
موحقیقلر گؤردولر اوشاقلارین داعواکارلیغی‌نین حدّی بو هورمونلارین اندازه‌سی اینن رابیطه‌لیدیر.اونلار سالیم و ناخوش اولمایان اوشاقلارین آغیز سولارین‌دا آزماییش ائله‌دیلر. اله گلن نتیجه بو مسأله‌نی تأیید ائله‌دی.
بو موحقیقلر اینانیرلار آغیز سویونون واختیندا و دقیق آزماییشی‌نین آیری فایدالاری‌دا اولا بیلر. اونلارین نظرینه، آغیز سویونون هورمونلارینی آزماییش ائله‌ماق ناخوشلارین درمانی اوچون طبیبلره کؤمک ائلیه بیلر.