شرقی آذربایجانین توریزم، ال ایشلری و فرهنگی میراث مودیر کولی، تبریزین اوست اؤرتولو بازاری‌نین شیمال و جنوبونون تعمیرینده تعادولون یارانماسیندان خبر وئردی.
فارسین تبریزدن وئردیغی خبره گؤره، تراب محمدی دئدی: تبریز بازاری‌نین شیمال و جنوبونو موتعادیل ائله‌ماق بو تایسیز تاریخی مجموعه‌نین شیمال بؤلومونون تعمیرینه رونق وئرماق اوچون اولوب.
او، قاباقجن بو بازارین شیمالینا آز یئتیشیلمه‌سینه ایشاره ائدیب دئدی: کئچن دؤرد ایلده بازارین بازارین جنوبو اینن عین زماندا دوه‌چی، کیشمیشچی و سیرخاب بازارچاسی کیمی شیمالداکی قیسمتلرین‌ده تعمیری باشلاندی.
محمدی بو تعمیرلرینن بازارین شیمالی‌نین نجات تاپماسینا، تازادان جانلانماسینا ایشاره ائدیب دئدی: میدان چایی‌نین یوخاری بؤلومونده یئرلشن بازارین شیمال بؤلومو تبریز بازاری‌نین یوزده اون بئشینی شامیل اولور.
محمدی ایجرا اولان تعمیرلره ایشاره ائله‌ماغینان دئدی: دوه‌چی، سیرخاب بازارچالاری و کیشمیشچیلر سارایی ترتیبله 80، 70 و 95 درصد تعمیر اولونوب.
او تأکید ائله‌دی: تاریخی بازارین راستالاری و سارایلاری‌نین چوخو تعمیر اولوب و یا تعمیر حالیندادیر.