اوسکار نیمایر, دونیانین آدلیم معمارلاریندان, 90 ایل بو زمینه‌ده خیدمت ائدندن سونرا 104 یاشیندا دونیاسین دگیشدی.

یورونیوزون وئردیگی خبره گؤره, برزیلین پایتختی برازیلیا‌نین وارلیغی بیر حدّه‌جن بو آدلیم معمارین چالیشمالارینا مدیوندور.

شهرین دولتی و بؤیوک بینالارینی ائله طراحلیق ائدیب کی برازیلیا ایندیه‌ قدر منطقه‌نین گؤزل شهرلریندن بیری ساییلیر.

بو اؤلکه‌نین رئیس جومهوری کی ایش دفتری اوسکار نیمایرین شاه‌اثرلریندن ساییلیر بیر پیامدا اونو برزیلین ایفتیخاری و یئنی معمارلیق موعلیمی آدلاندیردی.

1988‌ده دونیانین لاپ اعتیبارلی معمارلیق جاییزه‌سی, پریتزکر (معمارلیق اوسکاری) اونا وئریلدی.

اونون معمارلیق شاهکارلاری برزیله محدود اولمور. نیویورکدا میلل سازمانین دبیرخاناسی و اسپانیادا نیمایر موزه‌سی اونون ایشلریندن ساییلیر کی اونلاردا ایشتیراک ائله‌میشدیر.

نیمایر دونیانین باشا باشیندا اؤزوندن آلتی یوز یادیگار بوراخیب. او چهارشنبه گونو 105-جی تَوَلّودونه10 گون قالمیش ریودوژانیرو بیماریستانیندا دونیایا گؤز یومدو.