جام جم
آنلاین:
«بوردا
گئجه‌لر چوخ سویوق اولور, بیزیم ائو-ائشیگیمیز یوخدور و گئجه‌نی سحره‌جن تیر-تیر
تیتره‌ییروق.» بو زلزله‌زده‌لرین سسی‌دیر کی ایستیرلر سسلری مسئوللارین قولاغینا
چاتسین. دئییرلر ایندی کی خاروارلار تورپاغین آلتیندان سالیم چیخمیشیق اومیدواریق
کی قیشی لاپ آز ایمکانلارینان باشا وئراق.
کندلیلر
دئیرلر ایستی‌لتمه وساییلدن‌ده خبر یوخدور, چادیرلار سو کئچمز دئییرلر و بیر طرفدن‌ده
یاغیش سویو اونلارین آلتیندان کئچیر.
منطقه‌ده
پاییز یاغیشلاری باعیث اولوب زلزله‌زده‌لرین چادیرلارینا سو دولسون. دره‌لرده
قورولموش چادیرلاری سو آپاریر و اوجالیقلاردا قورولموش چادیرلاری پاییز کولگی
آپاریر.
ایندی
شاختا فصلی‌نین یاخینلاشماسینن کندلیلرین چاره‌سی قالماییب کی, هر جانلی وارلیغا
یاشایشی چتینله‌دن سویوقدا, قیشی باشا وئرسینلر.
زلزله‌زده کندلرین هامیسی‌نین
وضعیتی بئله‌دیر؛ بیر حالدا کی مسئوللار زلزله‌زده‌لرین ائولرینی تحویل وئرماقدان
دانیشیرلار. آما یئتیشن گوزاریشلره گؤره جماعتین چوخو چادیردا و بؤحران شراییطده
یاشیرلار.
بو منطقه‌نین هاوا شراییطی
گؤرسدیر کی چوخ تئز یاغان قار نه ورزقان, اهر و هریس ائولری‌نین دامی بلکه زلزله‌زده‌لرین
چادیرلاری اوستونده اوتوروب.
زلزله‌زده منطقه‌لرین
تازادان دوزلتمه‌سینده کم‌کارلیق, ایندی اوستانین نوماینده‌لری‌نین‌ده سسینی
چیخاردیب. ائله کی اهر, ورزقان و هریس شهرلری‌نین ایکی نوماینده‌سی عباس فلاحي و الله
وردي دهقاني, جام جم آنلاینا دئدیدیلر کی ایشلر بئله گئتسه زلزله‌دن دیری
قورتولانلار شاختا و ناخوشلوق اثرینده آرادان گئده‌جاقلار.