حیرصله‌نن
زمان باشیزی بیر ایشه قاتین کی ذهنیز مشغول اولسون؛ حیرصدن و سونراکی پشمانلیقدان
قورتولماغا چوخلی یوللار وار.
آراملیغینان
بیر لیوان سو ایچین
نظره
چوخ ساده گلیر, آما چوخ تأثیرلیدیر. پس بوندان سونرا هر واخت حیرصله‌نسز, اؤزوزه
بیر لیوان سو تؤکون و آراملیغینان ایچین. هر قورتوم سویا دیقّت ائدین, تصوّور
ائدین کی سو, نئجه آغزیزدان معده‌زه گئدیر, بئله‌لیغینان اؤزوزو داها آرام حیس
ائده‌جاقسیز.
غضبین
فیشارینی بوشالدین
بیر
یوموشاق بالیش یا موتکّه سیزه کؤمک ائدر کی تازادان آراملاشاسیز. بوتون غضبیزی
بالیشین اوستونه تؤکون, بالیشی مؤحکم یوموروقلایین و نئچه دقیقه‌نین ایچینده غضبیز
بوشالار.
گولمه‌لی
قیافه‌یه فیکیرلشین
گؤزلریزی
یومون و سیزی غضبلندیرن شخصین قیافه‌سینی نظریزه گتیرین, ایندی اونو مومکون قدر
لاپ گولمه‌لی حالتده تصوور ائدین مثلاً اونو بؤیوک گوللو شالوار و یا بؤیوک و
یاشیل شیپوری بؤرک و یا عجیب بیر پالتار ایچینده تصوور ائدین کی تلخک کیمی ادا چیخاردیر. بئله ائله‌سز گؤره‌جاقسیز کی غضبیز
یاددان چیخیب و گولورسوز.
درین نفس آلین
اؤزوزو بیر کنارا چکین و گؤزلریزی یوموب درین نفس آلین,
چالیشین نفسین گئدیب گلمه‌سینی ائشیده‌سیز. ذهنیزی باغلایین و نفس سسیندن سونرا
آیری سسه فیکیر وئرمه‌یین. داها درین و یاواش نفس چکین, اورگیزین دؤیونمه‌سی
یاواشلار و غضبیز سویویار.
اؤزوزی
ذهنی بیر فعالیته مشغول ائدین
اوندا
کی گؤردوز غضبله‌نیبسیز, ذهنیزی بیر ایشه مشغول ائدین, مثلا سودوکو جدولی حل
ائتمگه باشلایین. بیر شئی تاپانماسیز گؤزلریزی یومون و عددلری بؤیوکدن کیچیگه
سایماغا باشلایین. بوجور :100 , 99, 98, 97 و . . . و بیر لحظه گؤره‌جاقسیز کی غضب
یادیزدان چیخیب.