شرقی آذربایجانین تبیان سایتی‌نین مودیری بو اوستانین 19 شهریستانیندان تبیان سایتی‌نین آچیلیشندان خبر وئردی.

شرقی آذربایجانین ایسلامی تبلیغات ایداره‌سی‌نین عمومی رابیطه‌لرین گوزاریشینه گؤره, امیر محمد مجتهدی عمومی رابیطه‌لرین مسئولی ایله دانیشیقدا دئدی: بو سایتلاردان ایستیفاده ائله‌ماق آموزشلری ایندی شرقی آذربایجانین ایسلامی تبلیغات ایداره‌سینده قورولوب کی بو جلسه‌ده شهریستان وب‌سایتلارین مسئوللاری ایطیلاعاتی سایتلارا داخیل ائتمک آموزشی گؤرورلر.

او آرتیردی: بو سایتلار اوستانین بوتون شهریستانلاریندا آچیلیب کی بیرینجی فازدا مرند، مراغه، اهر ، شبستر، ميانه، سراب شهریستانلاری مجازی فضادا ایشله‌دنلر اوچون ایستیفاده‌یه وئریلیب.

مجتهدی اعلام ائله‌دی: سونراکی فازلاردا و گلن هفته‌لرده ساییر شهریستانلارین ایطیلاعاتی‌دا نوماییش ائدیله‌جک.

اوستانین تبیان مسئولو سؤزلری‌نین آخیرینده دئدی: بو وب‌سایتلارین لاپ موهوم خصوصیتی خبرلر و مقاله‌لری آنلاین صورتده ایرائه وئرمه‌سیدیر.

شهریستانلارین وب‌سایتلاری موستقیل صورتده نوماییش وئریرلیر و آلتی پایلوت شهریستانین آدرسی بئله‌دیر:

مرند شهریستانی: www.tebyan-marand.ir

مراغه شهریستانی: www.tebyan-maragheh.ir

اهر شهریستانی : www.tebyan-ahar.ir

شبستر شهریستانی: www.tebyan-shabestar.ir

ميانه شهریستانی: www.tebyan-miyaneh.ir

سراب شهریستانی: www.tebyan-sarab.ir