شرقی آذربایجانین عمومی کیتابخانالار
مودیری تبریزین مرکزی کیتابخاناسیندا 3 مین نوسخه ال یازی و 5 مین نوسخه داش چاپ
کیتابین اولماسیندان خبروئردی.
فارسین تبریزدن وئردیگی گوزاریشه گؤره,
حسن رضایی دئدی: کیتابخانالار جامیعه‌لرین فرهنگ و مدنیتلری‌نین نومادلاری ساییلیر
و تبریز کیتابخاناسی‌دا قدیمی اولدوغو اوچون و مینلر نوسخه‌دَیرلی و ارزیشلی کیتابی
اؤزونده ساخلادیغی اوچون اوستانین و اؤلکه‌نین فرهنگی ویترینی ساییلیر.
او بو کیتابخانانین اؤلکه‌ده‌کی
یئرینه ایشاره ائدیب دئدی: تبریزین مرکزی کیتابخاناسی کیتابخانالارین ایچینده لاپ
غنی و لاپ بؤیوک کیتابخانادیر.
او آرتیردی: بو کیتابخانا 3 میندن
آرتیق خطی نوسخه و 5 میندن آرتیق داش چاپ کیتاب و 250 مین نوسخه کیتابینان منبع و
آیری فاکتورلار اساسیندا اؤلکه‌نین لاپ مومتاز عمومی کیتابخاناسی
ساییلیر.