مراغه‌نین اختر فیزیک و نجوم تحقیقات
مرکزی‌نین رئیسی خبر وئردی: مراغه‌نین اختر فیزیک و نجوم تحقیقات مرکزی‌نین
رصدخاناسی ایشه باشلادی.
مراغه‌نین اختر فیزیک و نجوم تحقیقات
مرکزی‌نین رئیسی دئدی: ایکی دستگاه 30 سانتی‌متر قوطروندا اولان 12 اینچ‌لیق
دروبینین نصبی‌اینن مراغه‌نین اختر فیزیک و نجوم تحقیقات مرکزی‌نین رصدخاناسی ایشه
باشلادی.
فارسین مراغه‌دن وئردیغی گوزاریشه
گؤره, علی عجب‌شیرزاده مراغه رصدخاناسی‌نین ایشه باشلاما مراسیمینده دئدی: بو
رصدخانا اختر فیزیک و نجوم دؤکتراسین یولا سالماق و بو مرکزی اؤلکه‌نین علمی نجوم
مرکزینه تبدیل اولماسی مقصدی و علمی رصدلر اوچون یولا سالینیب.
او آرتیردی: بو رصدخانانین یولا
دوشمه‌سیله اختر فیزیک و نجوم تحقیقات مرکزی‌نین دؤکتورا دانیشجولاری و مراغه آزاد
دانیشگاهی‌نین اختر فیزیک و نجوم کارشیناسی دانیشجولاری اوردان
فایدالاناجاقلار.
او دئدی: مراغه‌نین اختر فیزیک و
نجوم تحقیقات مرکزی‌نین رصدخاناسی‌نین قوطری 4 متردیر.
او آرتیردی: بو مرکز مقاله تولیدینده
28 مرکزین ایچینده بیرینجی روتبه‌ده یئر آلیر و ایشه باشلایاندان 303 مقاله تولید
اولوب کی 260 مقاله اعتیبارلی ISI مجله‌لرینده چاپ اولوب.
مراغه‌نین اختر فیزیک و نجوم تحقیقات
مرکزی اؤلکه‌نین تکجه اختر فیزیک و نجوم تحقیقات مرکزیدیر.