ایسلامی اینقیلاب سندلر مرکزی‌نین
سایتی ناپلئونون مصر جماعتینه خیطاب اولان نامه‌سینی مونتشیر ائله‌دی.
بو سایتدا گلیب:
1789-جی ایلینده فرانسه‌نین جنگی
ناوگانی تولون بندریندن مصره طرف یولا دوشدو. بو ناوگان 5 مین سربازینان و
ناپلئونون اؤز رهبرلیغی‌اینن گئجه اسکندریه بندرینه یئتیشیب و شهری فتح ائله‌دی.
ناپلئونون قصدی واریدی قاهره‌نی فتح ائده؛ بونا گؤره قاهره‌یه حمله ائله‌مه‌میشدن
قاباق بیر اعلامیه یایدی تا مصر جماعتی اونون قاباغیندا موقاویمت
ائله‌مه‌سین.
ناپلئونون اعلامیه‌سی
بئله‌دیر:
«بسم الله الرحمن الرحیم، لاالله
الا الله، محمد رسول الله. فرانسه میلّتی‌نین آدینا کی اؤز بیناسینی آزادلیغی و
برابرلیغا قویوب. قدیم زمانلاردان سیزین اؤلکه‌یه حکومت ائدن مملوک بیگلر, فرانسه
میلّتین تحقیر ائدیب و اونلارین تاجیرلرینه شیکنجه وئریردیلر. ایندی الله رب
العالمین ایراده‌سی بئله‌دیر کی اونلارین سولطانلیغینا سون قویولا. من مصر
ممالیکیندن چوخ آللاها و اونون رسولونا احتیرام قویورام. اونلارا دئیین کی آللاه
محضرینده جماعت آراسیندا فرق یوخدور, مگر عقل و اینسان و اخلاقی کمال‌لار و
فضیلتلره گؤره . . . شئیخلر, قاضیلر و ایماملار جماعته ایطمینان
وئرسینلر کی بیز واقعی موسلمانیق. مگر بیز دئییلدیک کی رم شهرینه گئتدوق و جماعتی
موسلمانلارینان موباریزه‌یه چاغیران پاپی یئرینده اوتورتدوق؟»
و بئله اولدو کی فرانسه لشکری نئچه
آیدان سونرا قاهره‌یه جن قاباغا گئتدی.