ایسلام دونیاسی‌نین فیروزه‌سینده ناماز
قیلانلارین شکوهلی نوماییشی‌اینن تبریزین گؤی مسجیدی آللاه قوناقلارین قبول
ائلیر.
فارسین تبریزدن وئردیغی گوزاریشه گؤره,
تراب محمدی گؤی مسجیدی تعمیریندن گؤروش ائدنده دئدی: جهانی میراث لیستینده ثبت
اولموش تبریزین گؤی مسجیدی تعمیری‌نین بیر قیسمتی قورتولسا, بو مسجید فرهنگی و
هونری دینی برنامه‌لر اینن قوناقلاری قبول ائلیه‌جاق.
او دئدی: گونده‌لیق قیلینان ناهار
نامازلاری بو مسجیدین ثابیت برنامه‌لریندندیر.
تبریزین گؤی مسجیدی 870 هیجری قمری
و 1465 هیجری قمری ایلینده و قره‌قویونلولارین لاپ قودرتلی پادیشاهی سولطان جهانشاه
زمانی و اونون قیزی صالحه خانیمین امری‌اینن دوزلیب و ایسلام دونیاسی‌نین
فیروزه‌سینه مشهور اولوب و تایسیز گؤزللیق و معمارلیغینا گؤره هر ایل چوخلی توریست
دونیانین هر طرفیندن اونو گؤرمگه گلیرلر.