شرقی آذربایجانین طبیعی منبعلر ایداره‌سی‌نین رئیسی دئدی: اوستاندا 160 مین
هکتاردان چوخ 7 بؤحران مرکزی وار کی اونلارین چوخو ارومیه دریاچاسی‌نین اطرافیندا
یئرله‌شیر.
فارسین تبریزدن وئردیگی گوزاریشه گؤره, سیروس داودی صحرالاشمانین قاباغین آلما
گونو موناسیبتینه خبرنیگارلارا دئدی: صحرالاشماغین ضررلری‌نین قاباغین آلماغا گؤره
اوستاندا چوخلی ایشلر گؤرولوب کی او جومله‌دن 140 هکتار یئرده آغاج اکیلماقدان آد
آپارماق اولار. 338 هکتارلیق اکین یئرلرین اطرافیندا یئل‌سیندیران قوشولوب و 175
هکتار یئرده مرتعلرین احیاسی اوچون توخوم سپیلیب و ایصلاح عملیّاتلاری آپاریلیب.
او دئدی کی ایداره‌نین اصلی برنامه‌سی جماعتین موشاریکتیندن حداکثر ایستیفاده‌نی
آپارماقدیر.
شرقی آذربایجانین طبیعی منبعلر ایداره‌سی‌نین رئیسی آرتیردی: بونا اینانیریق
کی صحرالاشماغین قاباغین آلماغا تکجه یول هامی‌نین موشاریکتی‌اینن یاشیل فضانین
آرتیرماسی و آغاج اکماقدیر.
داودی بونا ایشاره ائله‌ماغینان کی صحرالاشماغین قاباغین آلماق مسئول‌لارین
اصلی هدفیدیر, دئدی: امیدیمیز وار بو بخشه لازیم اولان بودجه‌نین تخصیص وئرماغی‌اینن
صحرالاشماغین قاباغین آلماغا بیر ایشلر گؤروله.
شرقی آذربایجانین طبیعی منبعلر ایداره‌سی‌نین رئیسی هابئله اوستان جماعتیندن
ایسته‌دی اکین یئرلری‌نین اطرافیندا آغاج اکماغینان صحرالاشماقلا موباریزه‌ده بیر
آددیم گؤتورسونلر.