جام جم آنلاین: ایرانین بازرگانی دولتی
شیرکتی‌نین مودیر عامیلی‌نین دئدیگینه گؤره, بوغدانین قیمتی خردادین 15 –یندن
باهالاشدی.
عباس قبادی اعلام ائله‌دی کی بوغدانین
(داخیلی و خاریجی) تازا ساتیش قیمتی ایرانین دولتی بازرگانی شیرکتی طرفیندن اون
کرخانالاری و آیری موشتریلره اعلام اولدو. هر کیلو معمولی بوغدا 465 تومن و دوروم بوغدا
485 تومن اعلام اولدو.
ایندیه‌جن بوغدانین هر کیلوسی تقریباً
250 تومن ایدی کی دولتین تصویبی‌اینن تقریباً 29 درصد چوخالیب.
آیری طرفدن چؤرک او کالالارداندیر کی
قیمتی هر اوستاندا فرقلیدیر و اونون قیمتی اوستانداریلار طرفیندن تعیین اولور.
بو حالدا اعلام اولوب کی آیین 16-ندان
تهراندا چؤرگین تازا قیمتی بللی اولاجاق. اوست اوسته پیش‌بینلیق اولور کی
اوستانلاردا چؤرگین قیمتی یوزده 20 ایلا 25 چوخالسین کی اوستانلاردا فرقلی اولا
بیلر.
چؤرک تولید و
صادیر ائلیه‌نلر ایتحادیه‌سی‌نین دبیری‌نین دئدیگینه گؤره, سهمیه اونون قیمتی
چؤرگین قیمتینده یوزده یئتمش اثر قویور و چؤرک تولیدچیلری بوغدا و اونون
باهالاشماسیندان سونرا مصرف ائلیه‌نلر و تولید ائلیه‌نلردن حیمایت سازمانی‌نین
توافوقی ایله, اؤز قیمتلرین چوخالداجاقلار. البته ایندی کی ذخیره بوغدانین
قورتولماسیندان سونرا.