هندده بیر کندین ساکینلری دوشنبه گونو اعلام ائله‌دیلر کی
چوخ بؤیوک تور آتانلار اونلارین کندینه حمله ائدیب کی محلی ایش‌بیلنلر اونلارین
هانسی نوعدان اولماقلارینی بیلمیرلر.
فرانسه خبرگوزاریسی‌نین گواهاتی‌دن وئردیگی گوزاریشه گؤره,
یئرلی رسانه‌لر اعلام ائله‌دیلر کی 10 نفر بو تور آتانلارین سانجماسی اثرینده
بیماریستانا دوشوبلر و ایکی نفر ده اؤلوب.
آسام ایالتینده اولان سادیا کندی‌نین بیر آغ‌ساققالی فرانسه
خبرگوزاریسینه دئییر: اوّلده بیز ائله بیلیردوق کی بو بیر شوخلوقدور آما سونرا بو
تور آتانلار کند اهالیسی‌نین چوخونو سانجدیلار.
ایش‌بیلنلردن بیر مخصوص گروه آسام ایالتی‌نین مرکزی گواهاتی‌نین
آلتی یوز کیلومترلیغیندا اولان بو کنده یوللانیبلار.
آسام ایالتی دانیشگاهی‌نین زیستی علملر بؤلومونون بیر
کارشیناسی دئدی: بیز منطقه‌نی آختاردیق و بیر جور تور آتان تاپدیق آما اونون
نوعوندان هله موطمئین دئییلیک.
او دئدی: نظره گلیر بو نوع هجوملی تور آتان عادی نوعدان آما
قودرتلی تورلاری اولسون.