شرقي آذربايجان كيتابخانالارينين كول موديري خبر وئردي.
شرقي آذربايجان كيتابخانالارينين كول موديري اوستاندا اوچ
سيار كيتابخانانين يولا توشمه‌سيندن خبر وئردي.
فارسين خواجه‌دن وئرديگي گوزاريشه گؤره، حسن خدايي، خواجه
بخشي‌نين عمومي كيتابخاناسيندان گؤروش ائله‌ييب بو شهرين عمومي كيتابخانالارينين
ايشلري و موشكوللرين ياخيندان گؤردو.
او دئدي: اوستان كندلرينده كيتاب اوخوما موشكولونون حلّي
اوچون اوچ سيار كيتابخانا بوتون ايمكاناتينان فعاليت ائده‌جاق.
خدايي آرتيردي: كيتابخانايا لازيم اولان كادر تأمين اولوب و
ايداري مرحله‌سينده‌دير و خواجه شهري‌نين كيتابخاناسي‌نين يئر موشكولو ده، توسعه
عمليّاتي‌نين برنامه‌ريزليق شوراسيندا تصويب اولسا، حل اولار.
اوستانين عمومي كيتابخانالارينين كول موديري ايدامه‌ده
تبريزين مركزي كيتابخاناسي‌نين ايشلرينه ايشاره ائله‌ماغينان بو كيتابخاناني اؤلكه
سطحينده لاب شاخيص عمومي كيتابخانا بيليب دئدي: بو كيتابخانا خطّي نوسخه‌لرينن
دولو اولماسي، كيتابخانا فضاسي، ايمكانلارين موناسيب اولماسي و هابئله 88-جي
ايلينده اؤلكه‌نين نمونه كيتابخاناسي و آيري باشاريقلي ايشلره گؤره اؤلكه‌نين و
منطقه‌نين موهوم و فعال عمومي كيتابخانالاريندان ساييلير.