فارسين تبريزدن وئرديغي گوزاريشه گؤره، ايران شهرلري‌نين
سونّتي معمارليغيندا بازار مجموعه‌سينده ايرتيباطي يوللار، كروانسارالار، تيمچه‌لر
و . . . وار كي شهرين اصلي بافتي‌نين ايسكلتين تشكيل وئرير.
تبريزين بؤيوك بازاري‌دا
اؤز سايسيز تيمچه، كروانسارا و سارايلاري‌اينن ياخين و اوزاق كئچه‌جاقداكي رونق و
ايقتيداريندان خبر وئرير.
هيجري دؤردونجو قرندن قاجارلاراجن تبريز لاب چوخ گئد-گل‌لي
گونلرينه شاهيد اولموشدور كي توريستلر و موستشريقلر بو شهره گليرديلر. بو سفرلرده
مارکوپولو، ابن بطوطه، حمدالله مستوفی و شاردن كيمي اينسانلار تبريز بازاري‌نين
اهميّتي و اونون تبريز ايقتيصادينداكي تأثيريندن موهوم و ارزيشلي سند و مدركلر
بوراخيبلار.
تبريزين تاريخي بازاري موختليف تيجاري، فرهنگي، بهداشتي
مركزلر و تاجيرلرين ائولري و آيري شهرلردن گلن تاجيرلرين ايقامت يئرلري كيمي زير
مجموعه‌لري اؤزونده يئرلشديرميشدي. بئله بير مجموعه‌ده عونصورلرين آراسيندا اولان
ايرتيباطلارين يوخاري اهميتي وار.
بو سيستمده‌كي رابيطه، افرادين و گروهلارين اؤزونه مخصوص و
پيچيده شبكه كيمي بير-بيري‌اينن اولان رابيطه‌لرين، ايللر بويودور اؤز فعاليتين
ساخلاييب و اوخشار نمونه‌لره بير اولگو تبديل اولوب.
تبريزين تاريخي بازاري قديم تبريزين بؤيوك قيسمتين و ايندي‌كي
تبريزين موهوم بير بخشيني تشكيل وئرير كي عيبارتدي بازارين اصلي چردگي، حرمخانا
بازارين ايمتيدادي، گؤي مسجيد و سيرخاب بازارچاسيندان.
قديم زمانلار تبريزين تأثيري او قدر ايدي كي شهرين اصلي
دروازالاري و كالانين گيريشي و خاريج اولما يئرلري، بازار محدوده‌سينده يئرلشيردي.
هله بوگون‌ده دؤرد سيرخاب، باغمئشه، خيابان و نوبر
دروازالاريندان كي بير گون ايپك يولوندا حركت ائدن كروانلارا ميزبانليق ائليردي و
تيجاري رونقه ياعيث اولوردو، ايزلر و نيشانه‌لر قالير.
تبريز بازاري دونيانين لاب بؤيوك اؤرتولو تيكينتيسي كيمي،
موختليف عونصورلر و بؤلوملردن تشكيل تاپيب. بو عونصورلرين ماهيتلري‌نين فرقي اولسا
دا مجموعه‌نين ايستحكامين چوخالديب بير-بيري‌نين كناريندا بازارين عؤمرون و
تأثيرلي اولماسيني آرتيريبلار.
تبريز بازاري‌نين موختليف بخشلري وار. او جومله‌دن: راستا،
بازارين گيريشلري، دالان، خان، كروانسرا، تيمچه، چارسو، ميدان، بازارچا،
ايمامزادا، مسجيد، حامام، مدرسه، حسينيّه، زورخانا، بازار كؤرپوسو و بو كيمي زادلار.
بازار عونصورلاري‌نين آد قويمالاري‌دا مخصوص گئديشات و
اينساني قراردادلارينان اولوب. بئله كي گاهدان بازارين صنعتكارلار و تاجيرلرين
پئشه‌سي اساسيندا، مثلاً عباچيلار دالاني،باشماقچيلار بازاري و گاهدان اورانين
بيناسين قويان شخصين آدينا مثلاً حاج ابوالقاسم تيمچه‌سي، گاهدان بازارين موقعيّت
و يئرينه گؤره مثلاً جومعه مسجيدي و گاهدان اورداكي تاجيرلرين وطني اساسيندا مثلاً
آلمانليلار سارايي و گاهدان‌دا اوراني مخصوص شيكلي و اندازه‌سينه خاطير مثلاً اوچ
تیمچه‌لر بازاري آدي قويولوردو.
اوست-اوسته تبريزين تاريخي بازاري 160 دان چوخ موختليف
عونصورو، 26 خان، 20 تيمچه، 30 راستا، 2 چارسو، 21 دالان، 2 بازار، 1ميدان، 8
بازارچا، 3 مقبره، 6 مدرسه، 1 زورخانا، 2 كيتابخانا، 5 حامام و 1 يخچالي وار .
تبريز بازاري اوّلكي دؤورلر و ايندي‌ده تيجارت و آليش-وئريش
اوچون لاب ياخشي و موناسيب يئردير و شكلي و لايه-لايه بؤلونمه‌سي اوچون كالا
توليدي و توزيعي اوچون لاب ياخشي مركزدير.
و بوگون دونيانين كرپيجدن اولان لاب بؤيوك اوست‌اؤرتولو بو
مجموعه يونسكونون جهاني ميراث سياهي‌سيندا يئرلشيب تا دونيا تاريخ بويو اوخوسون و
بيلسين كي تبريز بازاري چوخلو حاديثه‌لري و صدمه‌لري آرخادا قويوب و موختليف
دؤورلرده تأثيرلي اولوب و هله‌ده اؤز تأثيرلي اولماسينا ايدامه وئرير.