جام جم آنلاين: هرمزگان، سيستان و
بلوچستان و خوزستان كيمي جنوب اوستانلاردا قانوني ياشدان تئز ائولنمه‌لر باعيث
اولوب طلاق كيمي ايجتيماعي موشكوللر چوخالسين.
ائولنماق بير موقدس پيوند كيمي موهوم بير
حاديثه‌دير كي اونون موفقيّتي و يا شيكستي جامعه‌يه اثر قويا بيلر. دوزدور كي قديم
زمانلار بؤيوكلر اؤز بالالاريني نوجوانليق ياشلاريندان خانيواده تشكيل وئرماغا
كؤمك ائدرديلر، آما اؤلكه‌ده سونِتي جاميعه‌دن ياري مودئرن جاميعه‌يه قدم
قويماغينان و اونون سايه‌سينده خانيواده ايشي‌نين دگيشمه‌سي و هر فردين
اينتيظارلاري‌نين دگيشمه‌سي ايله اوشاقلارين ائولنمه‌سي مؤعضل يارالدير.
هرمزگان اوستانيندا نوجوانلارين ائولنمه‌سي
تازا مسأله دئييل. آما بو اوستانين 10 ايلليق آماري گؤرسه‌دير كي بوجور
ائولنماقلار چوخاليب اوراجن كي هرمزگانين قاباقكي ثبت احوال كول موديري، غلامپورون
دئديگينه گؤره، 89-ون اوّل 8 آييندا 458 موريد 14 ياشدان تئز ائولنماق بو اوستاندا
ثبت اولوب كي اونلارين 5 موريدي قانون ايجازه‌سي‌اينن 10 ياشدان آشاغيدا اعلام
اولوب. بو ائولنماقلارين 107 موريدي بندر‌عباسدا و 78، 37، 72، 10، 34، 26،
6، 46 و 24 موريد ده ترتيب‌اينن ميناب، رودان، جاسك و بشاگرد، بندرخمير، بستك،
بندرلنگه، پارسيان، قشم و حاجي‌آباد شهريستانلاريندا ثبت اولوب كي آمار اساسيندا
بوجور ائولنماقلاردا ارلرين ياشي 17 دن 27 ياشاجن اولور.
هابئله 90-جي ايلين اوّل 10 آييندا فقط 6
موريد 10 ياشدان آشاغي زوجلارين ائولنمه‌سي ثبت اولوب كي قاباقكي ايله نيسبت 57/3
درصد آزاليب.
فتحيه قنادي، تربيتي و تحصيلي موشاويري
بو باره‌ده مهره دئدي: ائولنماق ياشي خانيواده‌لرين فرهنگي و بومي شراييطينه
باغليدير و نظره گلير كي تئز ائولنماق هرمزگان خانيواده‌لرين خاصيّتي اولوب.
او بونا ايشاره ائله‌ماغينان كي تئز
ائولنماق آز ساوادليليق و ساوادسيزليغين محصولودور، دئدي: ايقتيصادي جهتدن
چتينلقدا اولان خانيواده‌لرده قيزلارين تئز ائولنماغي داها چوخ گؤروشور، چون
والدين قيز اوشاغيني ايضافه يوك و خانيواده‌يه خرج بيليرلر.
ايجتيماعي و ايقتيصادي جهتدن آشاغي سطح
تحقيقلر گؤرسه‌دير كي قيزلارين آز ياشدا
ائولنماقلاري مؤعتاد، رواني ناخوش و ساوادسيز دده اولان خانيواده‌لرده و يا تك
واليد و يا اؤگئي واليدلي اوشاقلاردا و ايجتيماعي-ايقتيصادي نظردن آشاغي سطحده
اولان خانيواده‌لرده، داها چوخ اولور.
قنادي آيدينلاتدي: بو يئرسيز واقيعه
اوستانين حاشيه‌نشين منطقه‌لرينده -كي عومدتاً اقتيصادي-فرهنگي باخيمدان آشاغي
سطحده اولان موهاجيرلر يئرله‌شير- گؤروشور.
او بونو دئماغينان كي تئز ائولنماقدا هئچ
هدف و تدبير يوخدور كي بو اؤزو سيلسيله ضررلره باعيث اولور، دئدي: فيكيري بلوغدان
قاباق و نوجوانليق ياشلاريندا ائولنماق، نوجوان زوجي موختليف و يئرينه گتيريلمه‌ميش
اينتظارلارلا اوز به اوز ائلير؛ يئرينه گتيريلمه‌ميش اينتظارلار كي اونون ضرر
وورماسي جاميعه‌نين سطحينه چكيلير. آيري طرفدن دوغومون آرتماسي كي تئز ائولنماغين
تبعاتيندان ساييلير، باعيث اولوب هرمزگان، اؤلكه‌نين لاب چوخ جمعيت روشدو اولان
اوستان ساييلسين.
تربيتي و تحصيلي موشاوير بونو دئماغينان
كي جاميعه‌نين عورفوندن تئز ائوله‌نن قيزلار، اؤز الدن گئتميش ايجتيماعي و
خانيواده حقلري‌اينن تانيش اولاندان سونرا، موقعيّتلرين دگيشماغا چاليشمالاريني
دئماغينان، آرتيردي: بو افراد كيفايت قدر ايجتيماعي باشاريقلاري و ساوادلاري‌نين
اولماديغينا گؤره، اؤز زيندگاليقلارين طلاق و هابئله آيريسين ايسته‌مه‌يه طرف
چكيرلر كي نه فقط اؤزلري و ارلري، بلكه اوشاقلاري‌دا رواني و ايجتيماعي صدمه‌لرله
اوزله‌شيرلر.
عصمت لطفي‌زاده، هرمزگان بهزيستيسي‌نين
ايجتيماعي صدمه‌لر پيشگيرليق دفتري‌نين مسئولو بونو دئماغينان كي قيزلارين تئز
ائولنمه صدمه‌لري گئج ائولنمه صدمه‌لريندن داها چوخدور، دئيير: 18 ياشدان تئز ائله‌نن
قيزلارين زيندگانليقلارين و اوشاقلارين جيدّي صورتده جيسمي و روانين موشكوللر تهديد
ائلير.
تئز ائولنماق، زوراكارليغين چوخالماسي
تحقيقلر نيشان وئرير كي 18 ياشدان تئز
ائوله‌نن قيزلار، ائو خشونتي و ارلري طرفيندن دؤيولماغا داها چوخ اينانيرلار. تئز
ائولنماق داها چوخ طلاق و آيريلماغا چاتير.
لطفي‌زاده بونو دئماغينان كي ائولنماقدان
قاباق ايجباري موشاويره و آتا آنانين رواني سلامتليغين تأييد ائله‌ماق، جاميعه‌ده
ساليم خانيواده‌نين تشكيل تاپماسينا لازيمدير، دئيير: زوجلارين رواني ساغلامليغي‌نين
اولماماسي، بير سيلسيله ايجتيماعي صدمه‌لر او جومله‌دن ائولرده خشونت و اونون سايه‌سينده
ايجتيماعي مؤعضللري يارالدير.