دخيل آدينا مشهور اولان مراغالي آخوند ماللا حسينين
ييغينجاغي دبيرخانايا گلميش 25 مقاله‌دن بئش مقاله‌نين سئچيلمه‌سي ايله باشلادي.
فارسين مراغادان وئرديغي
گوزاريشه گؤره، آخوند ماللاحسین مراغالي‌نين بوزورگداشت ييغينجاغي‌نين علمي دبيري
بو ييغينجاغين باشلانيشيندا دئدي: بو ييغينجاق اونوچونجو قمري هيجري ايلينده
ياشايان دخيل آدينا مشهور اولان مراغالي آخوند ماللا حسينين خاطيره‌سينه، او
مرحومون شهرينده برگوزار اولدو.
رضا نويدي آذر، بونو
دئماغينان كي بو شاعيرين احوال و دوشونجه‌لرين آراشديرما زمينه‌سينده 25 مقاله
ييغينجاغين دبيرخاناسينا چاتيب كي اونلارين بئشي سئچيليب و ييغينجاق گونو
اوخوناجاق.
او دخيلين شعر خصوصيتي باره‌ده دئدي: بو مرثيه دئيه‌ن شاعير
نوحه‌ني مودَوّن و اينتيظاملي صورته ساليب. او مرحوم مقتل يازان شاعيره معروف
اولوب و نظم و نثر صورتينده 6 جيليدليق بير مقتل يازيب و كربلا ايتّيفاقلاري باره‌ده
اولان بو مجموعه توركي ديلينده چاپ اولوب.
نويدي آذر آرتيردي: بو مشهور شاعيرين دفن يئريندن دقيق خبر
يوخدور.
بو بير گونلوق ييغينجاق مراغانين سرباز تالاريندا برگوزار
اولور.