شرقي آذربايجانين توريسم، ال ايشلري و فرهنگي ميراثين كول
موديري خبر وئردي: تبريزين مشكيان ائوي علم و فقاهت موزه‌سينه چئوريلير.
شرقي آذربايجانين توريسم، ال ايشلري و فرهنگي ميراث ايداره‌سي‌نين
عمومي رابيطه‌لري‌نين گوزاريشينه گؤره، تراب محمدي دئدي: تؤكولن برنامه‌لره گؤره،
قاجار دؤورونه عاييد اولان مشكيان ائوي كي بازار موجاويرتينده‌دير و طالبيه علميه
حوزه‌سينه ياپيشير، شرقي آذربايجانين علم و فقاهت موزه‌سينه تبديل اولور.
او دئدي: بو موزه‌ده چاليشيلاجاق ايسلام صدريندن اولان
فقيه‌لر، روحانيلر و طلبه‌لرين معنوي ايرثلري، ارزيشلي و معنوي بير فضادا نوماييشه
قويولسون.
محمدي آرتيردي: تبريزين بيرينجي محراب شهيدي آیت‌الله قاضی
طباطبایی‌نين اثرلري، شخصي وساييلي و وصيتنامه‌سي، شهید اکبر حضی‌زاده، آیت‌الله
مدنی و اونلارجا شهيد و موباريز روحانيلر بو موزه‌نين شهيدلر بؤلومونو تشكيل وئره‌جاقلار.
او دئدي: معنوی و فرهنگی وارليغيميزي تانيتديرماق، شرقي
آذربايجانين كلان سياستي‌دير و چاليشيروق بو موزه‌نين احداثي‌اينن بو وارليغيميزي
جوان نسله تانيتديراق.