فتا پوليسي‌نين تشخيص و قاباغين آلما موعاوينتين سرپرستي
اعلام ائله‌دي:
اينترنتي بؤرك قويانلارين بير ايلدن اوچ ايله‌جن حبس گؤزلور
فتا پوليسي‌نين تشخيص و قاباغين آلما موعاوينتين سرپرستي،
جماعتي كامپيوتري سيستم و برنامه‌لري‌اينن توغليانلارين و اؤزو ايشله‌ين سيستملرين
ايشدن توشمه‌سينه باعيث اولانلارين بير ايلدن اوچ ايله‌جن حبسه محكوم
اولماقلاريندان خبر وئردي.
سروان محمد نیک نفس فارسين اينتيظامي خبرنيگاري‌اينن
دانيشيقدا دئدي: بعضي موريدلرده وئب آختاران موتورلار و آنلاين تبليغاتدا ائله
يوللاردان ايستيفاده ائديرلر كي ايشله‌دنلر اونلارين صفحه‌لرينه طرف هيدايت
اولسونلار تا بير تبليغ يا خاص طرزده دوشونجه اونا ايلقا ائله‌سينلر.
او دئدي: بو سايتلارين هدفي جينسلرين ساتماغا خاص رواني فضا
ياراتماقدير. بو يوللارين بيري بودور كي كيليدي سؤزلرينن كي چوخ آختاريلار و
اكثراً ساتين مؤحتواسينا ربطي يوخدور، سايتي طراحليق ائديرلر و آختاران موتورلاردا
خيلل يارالديرلار و ايشله‌دنلري ايسته‌ديقلاري طرف چكيرلر.
فتا پوليسي‌نين تشخيص و قاباغين آلما موعاوينتين سرپرستي
ايدامه وئردي: قانون اساسيندا مربوط اولمايان كيليدي كلمه‌لردن ايستيفاده ائتمك
جورم ساييلير.
او ايدامه‌ده آرتيردي: قانونا ايستيناد ائتمكله هر كس
الكترونيكي آليش-وئريش بسترينده، كامپيوتري سيستم و برنامه‌لرين«دئيتا»لاريندان
سوءايستيفاده و غير موجاز ايستيفاده ائتمكله، اوزاقدان رابيطه وسيله‌لرينن اؤزگه‌لري
توغلايا يا اؤزو ايشله‌ين سيستم لري توغلايا، اونلارين امواليني قايتارماغا محكوم
اولماقدان علاوه بير ايلدن اوچ ايله‌جن حبسه محكوم اولاجاق.
نيك نفس دئدي: ناجانين
فتا پوليسي بو جور موريدلري گؤرسه موجريملري‌اينن قاطع و قانوني برخورد ائده‌جك و
عزيز ايشله‌دنلر ده بو جور زادلار گؤرسه‌لر فتا پوليسي‌نين سايتينا موراجيعه ائديب
خبر وئره بيلرلر