جام جم آنلاين:تأمين ايجتيماعي صانديغي‌نين بيمه حقي گليري‌نين
كول موديري تأكيد ائله‌دي: چتين و زيانلي شوغل‌لارين تازا قانونونون ايجراسيندا
ياش و جينسيت شرطي يوخدور.
محمدحسن زدا مهرينن دانيشيقدا دئدي: چتين و زيانلي شوغل‌لارين
تازا قانونو كي بير مودّت قاباق نيگهبان شوراسي طرفيندن تصويب اولوب ايجرا اوچون
تأمين ايجتيماعي سازمانينا ايبلاغ اولموشدو، ايندي ايجرايا قويولور.
او چتين و زيانلي شوغل‌لارين تازا قانونون، تأمين ايجتيماعي
شؤعبه‌لرينده ايجراسي‌نين باشلانماسينا ايشاره ائديب دئدي: موختليف شوغل‌لار بو
قانوندا چتين و زيانلي عونوانيندا تانينيب و بازنيشسته‌ليغا موتقاضي‌نين مدركلري
گرك مخصوص كوميته‌نين تأييدينه چاتا.
تأمين ايجتيماعي صانديغي‌نين بيمه حقي گليري‌نين كول موديري
دئدي: چتين و زيانلي شوغل‌لارين قانونوندا 25 ايل موتناويب و 20 ايل موتوالي
سابيقه لازيمدير. بو بير حالدادير كي قاباقكي قانوندا 25 ايل موتوالي سابيقه
لازيميدي.
زدا آرتيردي: بو قانونلا بازنيشسته اولماقدا، آرواد كيشي‌ليق
فرقي يوخدور و تكجه سابيقه موهومدور.
او دئدي: بو قانوندان ايستيفاده ائديب بازنيشسته اولماق
ايسته‌ينلر اوچون، ياش شرطي يوخدور و شراييطي اولسا هر ياشدا كي اولور اوسون
بازنيشسته اولار.