تبريز آلمانلي‌لارين
چوخونا تانينميش شهردير/ ايران دونيانين امن اؤلكهسيديرفارس خبرگوزاريسي:
آلمانين تهراندا كي سيفارتي‌نين فرهنگي بؤلومون رييسي، تبريزي گؤزه گليم فرهنگي و
تاريخي اثرلر صاحيبي بيليب و دئدي: چوخلو دليل‌لره گؤره تبريز آلمانلي‌لار اوچون
تانينميش شهردير.
فارس خبرگوزاريسي‌نين تبريزدن وئرديگي گوزاريشه گؤره،«اتو
گراف» اوستانين ميراث فرهنگي سازماني‌نين رييسي‌اينن موشترك جلسه‌ده دئدي: ايران
بوتون جاذيبه‌لري‌اينن گؤرمه‌لي منطقه‌لر باخيميندان غني بير اؤلكه‌دير كي اونو
توريست حوزه‌سينده آلمان و آيري اؤلكه‌لر اوچون موهوم بير مقصده تبديل ائله‌ييب.
او خاطيرلاتدي: آلمان تيلويزيونلاريندان ايرانين تاريخ و
فرهنگي‌اينن تانيشليق اوچون برنامه‌لر ياييلير كي هر جور سياسي مسأله‌دن
اوزاقديلار و چاليشيرلار بو اؤلكه‌نين گؤزل چؤهره‌سين آلمانلي‌لارا نيشان
وئرسينلر.
آلمانين فرهنگي موشاويري آرتيردي: بيز بيليروق كي ايران امن
بير اؤلكه‌دير و بونا لاب ياخجي گواه ايراندان چيخان توريستلرين توصيفيدير.
«اتو گراف» تبريزين بازاري و گؤي مسجيددن گؤروش ائله‌ماغي،
اونلارين اؤزونه مخصوص خصوصيّتلرينه گؤره چوخ موهوم توصيف ائله‌دي و دئدي:
سئوينماغا يئر وار كي اؤز ارزيشلي تاريخي يئرلريزين ساخلاماسينا چاليشيرسيز.
او هابئله شرقي‌آذربايجانين مونيخ و هامبورگدا اولان ال
ايشلري نوماييشگاهيندان ايستيقبال ائله‌دي و اونو ايكي طرفلي بير فرهنگي
ايرتيباطين باشلانماسينا ياخجي باشلانيش سايدي.
«اتو گراف» هابئله بونو دئماغينان كي ايكينجي دفعه‌دير
تبريزدن گؤروش ائدير، دئدي: من ايرانا اؤل دفعه گلنده، بيرينجي تبريزه گلديم كي بو
ايكينجي گؤروش مني چوخ سئوينديردي.
فدرال آلمانين تهراندا كي سيفارتي‌نين فرهنگي موشاويري و
سيفارتين فرهنگي بؤلومونون رييسي اؤز شرقي آذربايجانا اولان سفرينده تبريزين
بازاري، گؤي مسجيد و آذربايجان موزه‌سيندن گؤروش ائله‌دي.