سلامت نيوز: آتا-آنالارين چوخو بيلميرلر كي اوشاقلارين خولقي پيس اولاندا نه ائله‌مه‌ليديلر. اوشاقلار معمولاً قيشقيرماق، آغلاماق، قرارسيزليق و آرام اولماماغينان، پيس خولقلرين گؤرسه‌درلر. بعضي تربيتي نوكته‌لره فيكير وئرماق بوجور اوشاقلارين آتا-آنالارينا ياخجي راهنيماليق اولا بيلر.

1. گركمز اوشاقلاري تنبيه مخصوصاً بدني تنبيه ائله‌ماق. بلكه گرك مسأله‌نين اصلي ريشه‌سين تاپيب اونو حل ائله‌ماق.

2. اوشاغين خولقي پيس اولاندا اونو موحيطدن اوزاقلاديب و فيكرين آيري مسأله‌يه موتوجه ائله‌ماق.

3. خولقي پيس اولاندا، اويناتماليلاريني ايختياريندا قويون تا مشغول اولسون.

4. هئچ واخت جمع ايچينده اونو دانلامايين و اوننان ساواشمايين.

5. اوشاغيز ايستكلريني چيغير-باغيرينان ايسته‌سه اونا اهميت وئرمه‌يين. اوندا او اؤرگه‌شر كي ايستكلرين يئرسيز ده اولسا بوجور ايسته‌سين.

6. اوشاغين خولقي پيس اولاندا اونون گؤزوندن اوزاق اولون؛ چونكي اوشاقلار چوخراق اؤزلرين ازديررلر و بوجورلوغونان جلب توجوه ائله‌ماق ايسترلر. موطمئين اولون بو حالت اوشاغيزدا قيسا اولاجاق.

7. اونا بير آز سو يا ميوه سويو وئرين و چاليشين اونون حيرصي‌نين قاباغيندا بي‌تفاوت اولاسيز.

8. حيرصله‌ننده قاباغينا بير آينا توتون، احتيمالاً اوشاغيز اؤز حيرصلي قيافه‌سين گؤرسه گولماغي گلر.